All kośas › Ekākṣaraśabdamālā

एकाक्षरशब्दमाला Ekākṣaraśabdamālā

हरितालराजामात्यमाधव · एकाक्षरकोषसंग्रहः · श्रुतज्ञान संस्कारपीठ, वासणवाळा कम्पाउण्ड, विश्वनंदिकर जैन देरासर के सामने, भगवान नगर का टेकरा, अरुण सोसायटी के पास, पालडी, अहमदाबाद-७, चंपकभाई: मो. 9436010323, निरंजन शाह: मो.9825860488, Website - www.rajparivarindia.com, Email - shrutgnan@yahoo.com · 2019 A.D. · Editor of 1 to 26 koshas - Pannyas Ramnikvijay, Reeditor - Muni Rajsundarvijay

144 verses · text only, tagging comes next

Part 1

हरितालराजामात्यमाधकृता

एकाक्षरशब्दमाला

वागीशाद्या सुमनसः सर्वार्थानामुपक्रमे ।यं नत्वा कृतकृत्याः स्युस्तं नमामि गजाननम् ॥ १ ॥

1 · p. 19

अनुष्टुप्

सुधारूपाभिधालब्धिं साकं सुमनसां गणैः ।मतिमन्थरमन्थेन निर्मथ्याऽतीवकौशलात् ॥ २ ॥

2 · p. 19

अनुष्टुप्

भारद्वाजकुलोत्तंसो माधवो मायणात्मजः ।एकाक्षरपदश्रेणीं रत्नमालां करोम्यहम् ॥ ३ ॥

3 · p. 19

अनुष्टुप्

अत्रैकधा वा द्विस्त्रिर्वाऽप्येकमारतमक्षरम् ।तत्पदं लिङ्गभेदेन वदामि सुजनामृतम् ॥ ४ ॥

4 · p. 19

अनुष्टुप्

वेधा[धो]-विष्णु-महेशान-कमलेष्वम्बिके-ज्ययोः ।अन्तःपुरे भूषणे च चरणे कारणे रणे ॥ ५ ॥

5 · p. 19

metre not recognisednearly अनुष्टुप्

अकारः कथितो धीरैरजिने गौरवेऽपि च ।आकारः सर्वगे भावे परितापे विधौ घटे ॥ ६ ॥

6 · p. 19

अनुष्टुप्

ईषदर्थे विस्मये च सन्तोषा-ऽमर्षयोरपि ।सुखतत्यां तथा सीम्नि चारे विस्मृत-संस्मृतौ ॥ ७ ॥

7 · p. 19

अनुष्टुप्

लघुवस्तुनि च प्रोक्तः सलिला-ऽऽक्षेपयोरपि ।इकारः कुसुमास्त्रे च हारे चन्द्रमसः करे ॥ ८ ॥

8 · p. 19

अनुष्टुप्

तथा करेणुदन्ते च महीभृत्कुहरेऽपि च ।भुजङ्गफणिरत्नार्चिः ष्वग्रतोऽर्थे निरूप्यते ॥ ९ ॥

9 · p. 19

अनुष्टुप्

ईकारः सायके सर्पे सरसीरुहकेसरे ।शक्रचापे तथा वाणी-कमला-रचनास्वपि ॥ १० ॥

10 · p. 19

अनुष्टुप्

क्षोणीभृत्कुहरे पद्मे दले ज्ञानिगुरौ तथा ।उकारः क्षेत्रपे शम्भौ हरमौलौ हरौ शुचौ ॥ ११ ॥

11 · p. 19

अनुष्टुप्

तपो-द्रुमाग्र-चन्द्राभ-गौरी-भूषण-लोचने ।ऊकारो रजनीनाथे पुरुषे राजपुत्रके ॥ १२ ॥

12 · p. 19

अनुष्टुप्

गले मङ्गलकुम्भे च देवे वणिज[जि] रक्षके ।उपमाने प्राङ्गणे च क्वचिदर्थे प्रवर्तते ॥ १३ ॥

13 · p. 19

metre not recognisednearly अनुष्टुप्: pāda 2, syllable 3 वणि (syllable split)

ऋकारस्तु रिपौ बुद्धि-विशेषे कुञ्जरे गिरौ ।भावे देवतटिन्यां च सुरायां देवमातरि ॥ १४ ॥

14 · p. 19

अनुष्टुप्

विवरे महिते प्रोक्तो नामशासनकोविदैः ।ॠकारश्चिकुरे सर्पे मणौ विगतसम्पदि ॥ १५ ॥

15 · p. 19

अनुष्टुप्

भुजे भुजङ्गदृष्ट्यां च तथा दनुजमातरि ।भूषणे सलिले पद्मे तुहिने तरले धने ॥ १६ ॥

16 · p. 19

अनुष्टुप्

सर्वकोपे च विज्ञेयः प्राज्ञैरौचित्यकोविदैः ।लृकारो लिप्तगोत्रे च त्रिदिवेशे च नप्तरि ॥ १७ ॥

17 · p. 19

अनुष्टुप्

रुरुदन्ते हस्तिदन्ते कुलीर-कपिदन्तयोः ।सुपर्णमातरि प्रोक्तो रजस्याभि[स्यपि] मनीषिभिः ॥ १८ ॥

18 · p. 19

metre not recognisednearly अनुष्टुप्: pāda 4, syllable 4 स्यपि (syllable split)

लॄकारश्च गिरौ देवे कलहे चन्द्र-बाणयोः ।मकरे पवने हारे रजन्यां नागमातरि ॥ १९ ॥

19 · p. 19

अनुष्टुप्

लीलागमन-नेत्रा-न्तर्लोचना-ङ्गेषु च स्मृतः ।एकारः कथ्यते विष्णौ रजनी-वारिधारयोः ॥ २० ॥

20 · p. 19

अनुष्टुप्

हर्म्योदरे दिनमुखे गगने मणिकुट्टिमे ।तेजस्येकादशाख्यायां संख्यायामपि दृश्यते ॥ २१ ॥

21 · p. 19

अनुष्टुप्

ऐकारः शङ्करे हस्ति-दिग्भागेष्विन्द्रवारणे ।तूमाल[?]-वर्त्म-दंशेषु त्वचि स्याच्छिखरे गिरौ ॥ २२ ॥

22 · p. 19

अनुष्टुप्

ओकारो ब्रह्म-शीतांशु-पङ्क-दायान्तरेषु च[?] ।त्रिदिवेश-पयोवाह-जीव-स्वसदनेष्वपि ॥ २३ ॥

23 · p. 19

अनुष्टुप्

योगी[गि]-सरोज-तोयेषु कुड्ये च कथितो बुधैः ।औकारः पार्वतीपुत्रे प्रश्ने चौषधि-मानयोः ॥ २४ ॥

24 · p. 19

अनुष्टुप्metre not read in every linenearly अनुष्टुप्

विशुद्धकायेऽनन्ते च कलायां रजनीपतेः ।तथा सिद्धे विमाने च कथ्यते कृतबुद्धिभिः ॥ २५ ॥

25 · p. 19

अनुष्टुप्

अं तु स्याद्वज्रसदने मुनौ कम्पा-तिदीर्घयोः ।सप्तस्वरान्ते माने च संगीतज्ञैरुदाहृतम् ॥ २६ ॥

26 · p. 19

अनुष्टुप्

अञ्जलौ नामनि वेगे परस्मिन्नपि तेजसि ।अः शब्दो गिरिजानाथे सिद्धमन्त्रे रमापतौ ॥ २७ ॥

27 · p. 19

अनुष्टुप्metre not read in every linenearly अनुष्टुप्: pāda 1, syllable 6 नि (wrong syllable)

दिनेशस्यन्दनहये प्रभाते पद्मसंभवे ।शिखायां चन्द्रबिम्बे च चरणायुध-मस्तके ॥ २८ ॥

28 · p. 19

अनुष्टुप्

चक्रार्थे चाभिधानेषु दृष्टो माधवमन्त्रिणा ।

29 · p. 19