All kośas › Anekārthanāmamālā

Anekārthanāmamālā Anekārthanāmamālā

Harṣakīrti · Harṣakīrti's Anekārthanāmamālā - A homonymic dictionary of Sanskrit · Vandenhoeck & Ruprecht in gottingen · 1981 A.D. · Claus vogel

129 verses · text only, tagging comes next

रान्ताः

॥ यान्ताः ॥

पयोधरः कुचे मेघे द्वापरः संशये युगे ।पारः परतटे प्रान्ते भूरिर्बहुसुवर्णयोः ॥ ७० ॥

अनुष्टुप्

करो हस्तांबुबलिषु करीरः कलसे तरौ ।अम्बरं व्योम वस्त्रं च क्षीरं दुग्धे जलेऽपि च ॥ ७१ ॥

अनुष्टुप्

पुष्करं हस्तिशुण्डाग्रे पद्मे खड्गफले जले ।वाद्यभाण्डमुखे व्योम्नि तीर्थौषधिविशेषयोः ॥ ७२ ॥

अनुष्टुप्

सूर्ये चन्द्रे यमे विष्णौ वासवे दर्दुरे हये ।मृगेन्द्रे वानरे वायौ दशस्वपि हरिः स्मृतः ॥ ७३ ॥

अनुष्टुप्

सारः श्रेष्ठे बले वित्ते स्वर्णे द्रव्ये च राः स्मृतः ।प्रतिज्ञायां च संग्रामे संगरः परिकीर्तितः ॥ ७४ ॥

अनुष्टुप्

मध्ये छिद्रे विशेषे च व्यवधाने बहिर्युजि ।अन्तरीये निवसने षट्सु त्वर्थेषु चान्तरम् ॥ ७५ ॥

अनुष्टुप्

शिखरं शैलवृक्षाग्रे कक्षापुलककोटिषु ।पक्वदाडिमबीजाभमाणिक्यशकलेऽपि च ॥ ७६ ॥

अनुष्टुप्

विहारो देशगमने क्रीडायां जिनसद्मनि ।पाटीरश्चन्दने वङ्गे कर्पूरेऽगुरुणि स्मृतः ॥ ७७ ॥

अनुष्टुप्

धात्री तु स्यादुपमाता क्षितिरामलकीतरुः ।आलेख्याश्चर्ययोश्चित्रं क्षेत्रं पत्नीशरीरयोः ॥ ७८ ॥

अनुष्टुप्metre not read in every linenearly अनुष्टुप्: pāda 1, syllable 6 प (wrong syllable)

योग्यभाजनयोः पात्रं पत्त्रं वाहनवाजयोः ।मित्रं सखा रविर्मित्रः कलत्रं श्रोणिभार्ययोः ॥ ७९ ॥

अनुष्टुप्

कर्पूरस्वर्णयोश्चन्द्रः सूत्रं तन्तुव्यवस्थयोः ।तन्त्रं स्वराष्ट्रचिन्तायां सिद्धान्ते च परिच्छदे ॥ ८० ॥

अनुष्टुप्

सत्त्रं आच्छादने यज्ञे सदादाने धनेऽपि च ।शुक्रं रेतसि शुक्रस्तु ज्येष्ठभार्गववह्निषु ॥ ८१ ॥

अनुष्टुप्

नरेन्द्रो विषवैद्येऽपि नरेन्द्रः पार्थिवेऽपि च ।श्रीर्वेषरचना शोभा लक्ष्मीः श्रीविष्णुपत्न्यपि ॥ ८२ ॥

अनुष्टुप्