All kośas › Anekārthanāmamālā

Anekārthanāmamālā Anekārthanāmamālā

Harṣakīrti · Harṣakīrti's Anekārthanāmamālā - A homonymic dictionary of Sanskrit · Vandenhoeck & Ruprecht in gottingen · 1981 A.D. · Claus vogel

129 verses · text only, tagging comes next

वान्ताः

॥ लान्ताः ॥

ध्रुवस्त्वौत्तानपादिः स्याच्छाश्वते निश्चिते ध्रुवम् ।स्व आत्मनि तथात्मीये ज्ञातौ स्वं च धनेऽपि च ॥ ८८ ॥

अनुष्टुप्

शिवं भद्रं शिवः शम्भुः शिवा गौरी शृगाल्यपि ।नीवी स्त्रीकटिकाग्रन्थौ वणिङ्मूलधनेऽपि च ॥ ८९ ॥

अनुष्टुप्

राज्ञि मेघे सुरे देवो नवो नव्ये स्तुतावपि ।भवः शिवे च संसारे भूतिसत्ताप्तिजन्मसु ॥ ९० ॥

अनुष्टुप्

सत्त्वं द्रव्ये गुणे चित्ते व्यवसायस्वभावयोः ।पिशाचादावात्मभावे बले प्राणेषु जन्तुषु ॥ ९१ ॥

अनुष्टुप्

भावः स्वभावाभिप्रायसत्ताशृङ्गारचेष्टिते ।दावो वने वनाग्नौ च प्रसवो जन्मपुष्पयोः ॥ ९२ ॥

अनुष्टुप्

पृथ्वी भूमौ पृथौ हिङ्गुपत्त्रिकाकृष्णाजीरयोः ।