All kośas › Nānārthasaṅgraha

नानार्थसङ्ग्रह Nānārthasaṅgraha

अजयपाल · Nānārthasaṇgraha of Ajayapāla · University of Madras · 1937 A.D. · General Editor: Dr. C. Kunhan Raja; Editor: T. R. Chintamani

749 verses · text only, tagging comes next

हकारः

॥ इति दन्त्यसकारादिवर्णः समाप्तः ॥

हरिः सिंहार्कभेकेषु शुके विष्णौ यमेऽनिले ।इन्द्रे चन्द्रे कपावीशे स्वर्णवर्णाहिराजिषु ॥ १ ॥

अनुष्टुप्

हंसो निर्लोभे भूपाले भास्करे विहगान्तरे ।योनिभेदे विशुद्धे च श्रेष्ठे राजादिपूर्वकः ॥ २ ॥

अनुष्टुप्metre not read in every linenearly अनुष्टुप्: pāda 1, syllable 5 भे (wrong syllable)

हृषितः सह हृष्टेन जातहर्षेऽथ विस्मिते ।मनोहरे च रोमाञ्चे हुतिः शास्त्रे तथार्चिषि ॥ ३ ॥

अनुष्टुप्

हिरणं च हिरण्यं च स्यादकुप्ये कपर्दके ।धान्यमानान्तरे हेम्नि ह्रादिनी पविविद्युतोः ॥ ४ ॥

अनुष्टुप्

हृद्यं हृत्प्रिये हृज्जाते वशमन्त्रे च हृद्यते ।हेरम्बो गजवक्त्रे च महिषे प्रथमान्तरे ॥ ५ ॥

अनुष्टुप्metre not read in every linenearly अनुष्टुप्: pāda 1, syllable 5 ये (wrong syllable)

हस्तिमल्ल इति ख्यातः शक्रनागे विनायके ।हायनो वत्सरे प्रोक्तः तथा व्रीहिमयूखयोः ॥ ६ ॥

अनुष्टुप्

हस्तः शुण्डायां नक्षत्रे करे केशात्परे चये ।हस्तनिर्यास उद्दिष्टं निम्बे हिङ्गुरसेऽपि च ॥ ७ ॥

अनुष्टुप्metre not read in every linenearly अनुष्टुप्: pāda 1, syllable 5 यां (wrong syllable)

हरिणी हेममये मृग्ये हरिद्रायामपि क्वचित् ।हेषणः स्याच्छिलाभेदे स्वर्णकृत्कृकलासयोः ॥ ८ ॥

अनुष्टुप्metre not read in every linenearly अनुष्टुप्

हरिचन्दनमाख्यातं कुङ्कुमे देवपादपे ।हरिदस्वान्तरे वर्णे तृणे ककुभि कथ्यते ॥ ९ ॥

अनुष्टुप्

हृदयं वक्षसि स्वान्ते हेलावज्ञाभिलाषयोः ।हैमवत्युमावचसोर्हवो हृद्याज्ञयोर्मुखे ॥ १० ॥

अनुष्टुप्metre not read in every line

हनू रङ्गान्तरौषध्योर्हरणं यौतके हृतौ ।हठस्तु प्रसभे पार्ष्णौ हरिणः पाण्डरे मृगे ॥ ११ ॥

अनुष्टुप्

हविः सर्पिषि होतव्ये हिंसा चौर्यादिके वधे ।हिमं शीतेऽपि शिशिरे हारौ मुक्तावलौ हृतौ ॥ १२ ॥

अनुष्टुप्

अतोऽव्ययानि कथ्यन्ते हन्तशब्दोऽनुकल्पने ।वाक्यारम्भे विषादे च हर्षार्थे च प्रयुज्यते ॥ १३ ॥

अनुष्टुप्

हि कारणे विशेषे च तथावधारणेऽपि च ।हा खेदेऽशुचिपीडायां हुं परिप्रश्नतर्कयोः ॥ १४ ॥

अनुष्टुप्metre not read in every linenearly अनुष्टुप्: pāda 2, syllable 3 व (wrong syllable)