All kośas › Maṅkhakośa

मङ्खकोशः Maṅkhakośa

मङ्खः · श्रीमद्मङ्खविरचितम् मङ्खकोशः - मङ्खविरचितटीकासारसहित, त्रिप्रकारक-शब्दसूच्यादि-विभूषितः · The Chowkhamba Sanskrit Series Office, Gopal Mandir Lane, P.O. Chowkhamba, Post Box 8, Varanasi - 1, India · 1972 A.D. · Theodor Zachariae

1,015 verses · text only, tagging comes next

मङ्गलाचरणम्

ओं स्वस्ति श्रीगणेशाय नमः । ओं नमः ॥

पातु वोधिधरं दूरविकीर्णकरशीकरः ।दुःखबीजच्छिदे वर्षत्करका इव विघ्नजित् ॥ १ ॥

1.1 · p. 1

अनुष्टुप्

विषमपदविषधरालीं निहत्य संगृह्य शेवधिविशेषान् ।सकलजनसुलभविभवान्कश्चन निर्मत्सरः कुरुते ॥ २ ॥

1.2 · p. 1

आर्या

भागुरिकात्यहलायुधहुग्गामरसिंहशाश्वतादिकृतान् ।कोशान्निरीक्ष्य निपुणं धन्वन्तरिनिर्मितं निघण्टुं च ॥ ३ ॥

1.3 · p. 1

गीतिः

लिङ्गानुशासनानि च विचार्य लक्ष्यं महाकवीनां च ।कुरुतेनेकार्थानां शब्दानां मङ्खकः कोशम् ॥ ४ ॥

1.4 · p. 1

आर्या

यथासंभवकान्तादिक्रमादक्षरसंख्यया ।करामलकवत्साक्षादेष भासिष्यते सताम् ॥ ५ ॥

1.5 · p. 1

अनुष्टुप्

यत्रैक एव रूढोर्थो यौगिकस्तत्र दर्श्यते ।अनेकस्मिंस्तु रूढेर्थे यौगिकः प्रोच्यते न वा ॥ ६ ॥

1.6 · p. 1

अनुष्टुप्

पदभङ्गादनेकोर्थः प्रकटीक्रियते न च ।विशेषणप्रत्ययाद्यैः सिद्धं लिङ्गं न चोच्यते ॥ ७ ॥

1.7 · p. 1

अनुष्टुप्

प्रायशो रूपभेदेन साहचर्याच्च कुत्रचित् ।स्त्रीपुंनपुंसकं ज्ञेयं तद्विशेषविधेः क्वचित् ॥ ८ ॥

1.8 · p. 1

अनुष्टुप्

त्रिलिङ्ग्यां त्रिष्विति पदं मिथुने तु द्वयोरिति ।निषिद्धलिङ्गं शेषार्थं त्वन्ताथादि न पूर्वभाक् ॥ ९ ॥

1.9 · p. 1

अनुष्टुप्