All kośas › Maṅkhakośa

मङ्खकोशः Maṅkhakośa

मङ्खः · श्रीमद्मङ्खविरचितम् मङ्खकोशः - मङ्खविरचितटीकासारसहित, त्रिप्रकारक-शब्दसूच्यादि-विभूषितः · The Chowkhamba Sanskrit Series Office, Gopal Mandir Lane, P.O. Chowkhamba, Post Box 8, Varanasi - 1, India · 1972 A.D. · Theodor Zachariae

1,015 verses · text only, tagging comes next

शान्तवर्गः

द्वौ विशौ वैश्यमनुजौ संततौ स्त्री जने बहु ।दृग्बुद्धौ दर्शनोक्ष्णि स्त्री दिगुपाये निदर्शने ॥ ८८० ॥

29.880 · p. 64

अनुष्टुप्

मार्गे ककुभि च स्त्री स्याद्द्वौ चराभिसरौ स्पशौ ।द्वौ राशी पुञ्जमेषाद्यौ लब्धव्ये गणिते च ना ॥ ८८१ ॥

29.881 · p. 64

अनुष्टुप्

ईशो महेश्वरः स्वामी पृष्ठ्यास्थ्यस्यादिमध्यभूः ।वंशोन्वयः समूहश्च काण्डं वेणुरथो दशा ॥ ८८२ ॥

29.882 · p. 64

अनुष्टुप्

अवस्था वर्तिरन्ते तु वाससो भूमनि स्त्रियाम् ।कुशा वल्गा कुशी फालो दर्भेस्त्री क्लीवमम्बुनि ॥ ८८३ ॥

29.883 · p. 64

अनुष्टुप्

निधनानुपलम्भौ तु नाशौ क्लीवे पलायने ।पशुर्मृगादौ छगले दर्शनार्थे तदव्ययम् ॥ ८८४ ॥

29.884 · p. 64

अनुष्टुप्

रुजायां स्पर्शके स्पर्शो दानस्पर्शनयोरपि ।आशा ककुभि तृष्णायां दर्शः सूर्येन्दुसंगमे ॥ ८८५ ॥

29.885 · p. 64

अनुष्टुप्

कृष्णपक्षान्तयागे च पाशोक्षे बन्धने तथा ।रज्ज्वादिवलयच्छिद्रे प्रशस्ते तु सपूर्वकः ॥ ८८६ ॥

29.886 · p. 64

अनुष्टुप्

त्रिष्वायत्ते यन्त्रणेच्छा प्रभावः प्रभुता वशः ।शुन्यां वेश्यावन्ध्यगवीस्त्रीकरेणुषु तु स्त्रियाम् ॥ ८८७ ॥

29.887 · p. 64

अनुष्टुप्

पेश्यां धने तद्नृहे च चषके पट्टयोनिषु ।दिव्ये च कोशः पुष्पादिकुट्मलासिपिधानयोः ॥ ८८८ ॥

29.888 · p. 64

अनुष्टुप्

कायावृतौ द्वयोः पद्मकर्णिकायां समाश्रये ।वेश्यानां वेश आकल्पे दुःस्पर्शा कण्टकारिका ॥ ८८९ ॥

29.889 · p. 64

अनुष्टुप्

यवाशे पुंसि परुषे निर्दये च भवेत्त्रिषु ।रहःप्रकाशौ वीकाशौ निर्वेशो भृतिभोगयोः ॥ ८९० ॥

29.890 · p. 64

अनुष्टुप्

प्रसरे चाथ निर्देश आज्ञायां कथने तथा ।कृतान्ते पुंसि कीनाशः क्षुद्रकार्षकयोस्त्रिषु ॥ ८९१ ॥

29.891 · p. 64

अनुष्टुप्

राक्षसे किंशुके पर्णे पलाशो हरिते त्रिषु ।शटीपर्णे भवेत्क्लीवमभींशुः प्रग्रहे करे ॥ ८९२ ॥

29.892 · p. 64

अनुष्टुप्

विवशः स्यादवश्यादौ त्रिलिङ्गोनिष्टदुष्टधीः ।कर्कशः स्यात्साहसिके दुःस्पर्शे कठिनेदये ॥ ८९३ ॥

29.893 · p. 64

अनुष्टुप्metre not read in every linenearly अनुष्टुप्: pāda 1, syllable 5 त्सा (wrong syllable)

कम्पिल्ये च प्रदेशस्तु मानभित्स्थानभेदयोः ।वागीशो देवताभेदे ना जीवे हयमूर्धनि ॥ ८९४ ॥

29.894 · p. 65

अनुष्टुप्

ब्रह्मणि ज्ञे त्रिषु भवेत्कलशोस्त्री त्वपां निधौ ।दधिमन्थनकुम्भ्यां च कलशी कलशिः स्त्रियौ ॥ ८९५ ॥

29.895 · p. 65

अनुष्टुप्

निवेशौ शिविरोद्वाहौ वालिशौ मूर्खशावकौ ।त्रिषु स्फुटे प्रसिद्धे च प्रकाशो भासि पुंस्ययम् ॥ ८९६ ॥

29.896 · p. 65

अनुष्टुप्

संध्यङ्गभिद्विमर्शो ना स्यात्परामर्शबाधयोः ।निस्त्रिंशोसौ त्रिषु क्रूरे नगेशोद्रिपतौ शिवे ॥ ८९७ ॥

29.897 · p. 65

अनुष्टुप्

भूमिस्पृशो नरा वैश्या व्यपदेशोभिधा छलम् ।अपदेशौ व्याजहेतू जीवितेशौ यमप्रियौ ॥ ८९८ ॥

29.898 · p. 65

अनुष्टुप्

वार्त्ताहरे सहाये च पुरोगे च प्रतिष्कशः ।पतने स्यादपभ्रंशो भाषाभेदापशब्दयोः ॥ ८९९ ॥

29.899 · p. 65

अनुष्टुप्