All kośas › Śāradīyākhyanāmamālā

शारदीयाख्यनाममाला Śāradīyākhyanāmamālā

हर्षकीर्ति · Śāradīyākhyanāmamālā of Harṣakīrti · Deccan College Postgraduate and Research Institute, Poona · 1951 A.D. · Madhukar Mangesh Patkar

462 verses · 4,677 words tagged · 226 marked doubtful (dashed)

तृतीयः काण्डः · विड्वर्गः

इति राजवर्गः । ॥

वैदेहिकश्चापणिको नैगमो वाणिजो वणिक् ।पण्याजीवः सार्थवाहः क्रयविक्रयिकः क्रयी ॥ ४४ ॥

अनुष्टुप्

आपणो विपणिर्हट्टस्तन्मार्गे स्याच्चतुष्पथः ।धान्यं शस्यं च तद्भेदा मुद्गगोधूमतन्दुलाः ॥ ४५ ॥

अनुष्टुप्

अमत्रं भाजनं पात्रं पण्यं भाण्डं क्रयाणकम् ।वर्तनं जीवनं वृत्तिराजीवो जीविकापि च ॥ ४६ ॥

अनुष्टुप्

मूलद्रव्यं परिपणो नीवी लाभोऽधिकं फलम् ।सत्यापनं सत्यंकारो मूल्यवस्त्वर्थवक्रयाः ॥ ४७ ॥

अनुष्टुप्

संपत्तिः श्रीर्विभूतिश्च लक्ष्मीसंपत्समृद्धयः ।श्रीमान्समृद्धो लक्ष्मीवानिभ्य आढ्यो धनेश्वरः ॥ ४८ ॥

अनुष्टुप्

आपद्विप[द्विप]त्तिश्च दारिद्रं निःस्वनिर्धनौ ।कदर्यः कृपणो लोभी बद्धमुष्टिर्मितंपचः ॥ ४९ ॥

अनुष्टुप्