All kośas › Śabdaratnākara

शब्दरत्नाकर Śabdaratnākara

वामनभट्ट-बाण · Śabdaratnākara of Vāmana-Bhaṭṭa-Bāṇa, critically edited with critical notes, appendices, etc. · Mithila Institute of Post Graduate Studies and Research in Sanskrit Learning, Darbhanga · 1965 A.D. · Dr. B. R. Sharma

2,335 verses · 19,015 words tagged · 2,063 marked doubtful (dashed)

प्रथमः काण्डः · मङ्गलाचरणम्

वामनभट्टप्रणीतः शब्दरत्नाकरः

सोमाङ्गमुत्तंसयते वामाङ्गमवरुन्धते ।नमः परस्मै देवाय तेजोभिः पश्यते त्रिभिः ॥ १ ॥

1.1.1 · p. 1

अनुष्टुप्

वरदाग्निचितः पौत्रः पुत्रः कोवटियज्वनः ।जागर्ति वामनो बाणो वत्सवंशशिखामणिः ॥ २ ॥

1.1.2 · p. 1

अनुष्टुप्

तेन जिज्ञासमानानामुपकर्त्रा विधीयते ।शब्दरत्नाकरो नाम निख(!)ण्डुर्मान्द्यखण्डनः ॥ ३ ॥

1.1.3 · p. 1

अनुष्टुप्

नामलिङ्गप्रकाशैकदर्पणे प्राज्ञतर्पणे ।पूर्वशास्त्रकृतं लक्ष्म यत्तदत्र निबध्यते ॥ ४ ॥

1.1.4 · p. 1

अनुष्टुप्

पञ्चधा वर्तते शब्दो लिङ्गे स्त्रीपुंनपुंसके ।अव्यये लिङ्गसांकर्येऽप्येषामन्त्यं चतुर्विधम् ॥ ५ ॥

1.1.5 · p. 1

अनुष्टुप्

नृस्त्री नृषण्डः षण्डस्त्री त्रिलिङ्गव्यवहारतः ।प्रायोऽत्र रूपभेदेन साहचर्येण च क्वचित् ॥ ६ ॥

1.1.6 · p. 1

अनुष्टुप्

ज्ञेया त्रिलिङ्गीसंकीर्णलिङ्गव्यक्तिः पृथग्विधैः ।भिन्नलिङ्गपदश्लेषो नात्र द्वन्द्वैकशेषयोः ॥ ७ ॥

1.1.7 · p. 2

अनुष्टुप्

ना पुमानिति पुंल्लिङ्गे स्त्रीलिङ्गे स्त्रीति कथ्यते ।नपुंसकक्लीबषण्डपदं तल्लिङ्गवाचकम् ॥ ८ ॥

1.1.8 · p. 2

अनुष्टुप्

लिङ्गत्रये त्रिष्विति स्यात् स्त्रीपुंसोः स्याद्द्वयोरिति ।निषेधे शेषलिङ्गं स्यान्न त्वन्ताथादि पूर्वभाक् ॥ ९ ॥

1.1.9 · p. 2

अनुष्टुप्