All kośas › Viśvaprakāśa

विश्वप्रकाशः Viśvaprakāśa

श्रीमहेश्वरसूरि · विश्वप्रकाशः । नाम शब्दकोषः । विद्वद्वरश्रीमहेश्वरसूरिणा प्रणीतः । · Chowkhamba Sanskrit Book-depot, Benaras. Agents - Otto Harrassowitzi Leipzigl Paṇḍita Jyeṣṭharāma Mukundaji, Bombay; Probsthain & Co. Booksellers, London · 1911 A.D. · Śrīśīlaskandha Sthavira, Paṇḍita Ratna Gopāla Bhaṭṭa

2,296 verses · text only, tagging comes next

अनेकार्थशब्दपरिच्छेदः · ढान्तवर्गः

इति डान्तवर्गः ॥

दृढः स्थूले मृशे शक्ते प्रगाढेऽपि दृढो मतः ।बाढं दृढे प्रतिज्ञायां मूढस्तन्द्रितबालयोः ॥ १ ॥

1.13.1 · p. 46

अनुष्टुप्

गूढं रहसि गुह्ये च संवृते पुनरन्यवत् ।व्यूढः संहतविन्यस्तपृथुलेषु च भेद्यवत् ॥ २ ॥

1.13.2 · p. 46

अनुष्टुप्

षण्ढो वर्षधरे क्लीबे गोपतौ बन्ध्यपूरुषे ।वोढा स्याद्भारिते सूते सोढा मर्षणशक्तयोः ॥ ३ ॥

1.13.3 · p. 46

अनुष्टुप्

राढा सूक्ष्मे च शोभायां दाढा दंष्ट्राभिलाषयोः ।माढिः पत्रादिभङ्गौ स्यान्माढिर्दैन्यप्रकाशने ॥ ४ ॥

1.13.4 · p. 46

अनुष्टुप्

आषाढो व्रतिनां दण्डे मासे मलयपर्वते ॥

1.13.5 · p. 46

वारूढः शम्बलेऽपि स्याद्वस्त्राञ्चलकपाटयोः ॥ ५ ॥

1.13.5 · p. 47

पञ्जरे पावके वाथ प्ररूढो ज[ठ]रे स्मृतः ।बद्धमूले विरूढस्तु सञ्जातेऽङ्कुरितेऽन्यवत् ॥ ६ ॥

1.13.6 · p. 47

अनुष्टुप्

समूढः पुञ्जिते भुग्ने सद्योजातेऽनुपप्लुते ।उदूढ ऊढे स्थूले स्यादुपोढो निकटोढयोः ॥ ७ ॥

1.13.7 · p. 47

अनुष्टुप्

निगूढो गर्हिते गुप्ते प्रमीढो मूत्रिते घने ।सरूढोऽङ्कुरिते प्रौढे प्रगाढो दृढपृच्छयोः ॥ ८ ॥

1.13.8 · p. 47

अनुष्टुप्

अध्यूढा कृतसापत्न्यां नार्यामध्यूढ ईश्वरे ।

1.13.10 · p. 47

अनुष्टुप्

अध्यारूढं समारूढेऽप्यधिके चाऽप्यऽभेद्यवत् ॥ ९ ॥

1.13.9 · p. 47

अनुष्टुप्