All kośas › Viśvaprakāśa

विश्वप्रकाशः Viśvaprakāśa

श्रीमहेश्वरसूरि · विश्वप्रकाशः । नाम शब्दकोषः । विद्वद्वरश्रीमहेश्वरसूरिणा प्रणीतः । · Chowkhamba Sanskrit Book-depot, Benaras. Agents - Otto Harrassowitzi Leipzigl Paṇḍita Jyeṣṭharāma Mukundaji, Bombay; Probsthain & Co. Booksellers, London · 1911 A.D. · Śrīśīlaskandha Sthavira, Paṇḍita Ratna Gopāla Bhaṭṭa

2,296 verses · text only, tagging comes next

अनेकार्थशब्दपरिच्छेदः · चान्तवर्गः

इति घान्तवर्गः ॥

कचः केशे गुरोः पुत्रे बन्धे शुष्कव्रणे कचः ।कचा करिण्यां काचस्तु मनौ शिक्ये मृदन्तरे ॥ १ ॥

1.5.1 · p. 30

अनुष्टुप्

नेत्ररोगेऽपि नीचस्तु वामने पामरे स्मृतः ।मोचः शोभाञ्जने प्रोक्तो मोचा शाल्मलिरम्भयोः ॥ २ ॥

1.5.2 · p. 30

अनुष्टुप्

पिचुस्तूले च कर्षे च कुष्ठरोगेऽसुरान्तरे ।भैरवस्य प्रभेदेऽपि पिचुः क्वाऽपि प्रकीर्त्तितः ॥ ३ ॥

1.5.3 · p. 30

अनुष्टुप्

कूर्च्चो विकत्थने मध्ये भुवो श्मश्रुणि कैतवे ।क्रौञ्चः खगनगद्वीपप्रभेदेषु प्रयुज्यते ॥ ४ ॥

1.5.4 · p. 30

अनुष्टुप्

चञ्चो नलादिनिर्माणे चञ्चा तु तृणपूरुषे ।चञ्चुः पञ्चाङ्गुले त्रोट्यां गोनाडीकेऽपि पठ्यते ॥ ५ ॥

1.5.5 · p. 30

अनुष्टुप्

शुचिः शुद्धेऽनुपहते शृङ्गाराषाढयोः सिते ।ग्रीष्मे हुतवहेऽपि स्यादुपधाशुद्धमन्त्रिणि ॥ ६ ॥

1.5.6 · p. 30

अनुष्टुप्

रुचिर्मयूखे शोभायामभिष्वङ्गाभिलाषयोः ।वीचिः स्वल्पे तरङ्गे स्यादवकाशे सुखेऽपि च ॥ ७ ॥

1.5.7 · p. 30

अनुष्टुप्

सूची कराद्यभिनये नारीणां करणान्तरे ।सूची च सीवनद्रव्ये शचीऽन्द्राण्यां शतावरौ ॥ ८ ॥

1.5.8 · p. 30

अनुष्टुप्

काञ्ची स्यान्मेखलादाम्नि गुञ्जायां नीवृदन्तरे ।वचा स्यादुग्रगन्धायां सारिकायां शुके वचः ॥ ९ ॥

1.5.9 · p. 30

अनुष्टुप्

अर्चा पूजाप्रतिमयोश्चर्च्चा स्थासकचिन्तयोः ।चर्च्चिकायाञ्च रुक्शोभाकिरणेच्छासु चेष्यते ॥ १० ॥

1.5.10 · p. 30

अनुष्टुप्

त्वक् चर्मवल्कयोस्त्वाचे न्यङ् नीचे निम्नकार्ण्ययोः ।वाग्वचने सरस्वत्यां भाषागीर्भारती यथा ॥ ११ ॥

1.5.11 · p. 30

अनुष्टुप्metre not read in every linenearly अनुष्टुप्: pāda 1, syllable 3 च (wrong syllable)

कवचो गर्द्दभाण्डे स्यात् सन्नाहे पटहेऽपि च ।विकचः क्षपणे केतुग्रहे च स्फुटितेऽन्यवत् ॥ १२ ॥

1.5.12 · p. 30

अनुष्टुप्

क्रकचः करपत्रे स्याद्ग्रन्थिलाख्यद्रुमेऽपि च ।सङ्कोचमपि काश्मीरे सङ्कोचो मीनबन्धयोः ॥ १३ ॥

1.5.13 · p. 31

अनुष्टुप्

नाराचो लोहबाणे स्यान्नाराचो जलहस्तिनि ।नाराच्येषणिकायाञ्च सम्यक् सम्मतहृद्ययोः ॥ १४ ॥

1.5.14 · p. 31

अनुष्टुप्

प्रपञ्चः सञ्चये प्रोक्तो विस्तरे च प्रतारणे ।मरीचिः कृपणे दीप्तावृषिभेदेऽपि दृश्यते ॥ १५ ॥

1.5.15 · p. 31

अनुष्टुप्

मारीचो रक्षसो भेदे कक्कोले याजके द्विजे ।मारीची देवताभेदे नमुचिः स्मरदैत्ययोः ॥ १६ ॥

1.5.16 · p. 31

अनुष्टुप्

कनीचिः पुष्पितलतागुञ्जयोः शकटेऽपि च ।अवीचिर्नरकानूर्म्योर्विपञ्ची केलिवीणयोः ॥ १७ ॥

1.5.17 · p. 31

अनुष्टुप्

प्रागुदक्प्रत्यगित्येते दिग्देशे कालतोऽव्ययम् ।प्राच्योदीच्यप्रतीच्यानां वाचकं स्यादनव्ययम् ॥ १८ ॥

1.5.18 · p. 31

अनुष्टुप्

मलिम्लुचोऽनिले चौरे जलसूचिर्जलौकसि ।शृङ्गाटे शिशुमारे च कङ्के शेटिझषेऽपि च ॥ १९ ॥

1.5.19 · p. 31

अनुष्टुप्

रतनारीच इत्येष कथितो रतवल्लभे ।कुक्कुरं रतनारीचः सीत्कारे वरयोषिताम् ॥ २० ॥

1.5.20 · p. 31

अनुष्टुप्