All kośas › Viśvaprakāśa

विश्वप्रकाशः Viśvaprakāśa

श्रीमहेश्वरसूरि · विश्वप्रकाशः । नाम शब्दकोषः । विद्वद्वरश्रीमहेश्वरसूरिणा प्रणीतः । · Chowkhamba Sanskrit Book-depot, Benaras. Agents - Otto Harrassowitzi Leipzigl Paṇḍita Jyeṣṭharāma Mukundaji, Bombay; Probsthain & Co. Booksellers, London · 1911 A.D. · Śrīśīlaskandha Sthavira, Paṇḍita Ratna Gopāla Bhaṭṭa

2,296 verses · text only, tagging comes next

अनेकार्थशब्दपरिच्छेदः · खान्तवर्गः

इति कान्तवर्गः ॥

खमिन्द्रिये सुखे स्वर्गे शून्ये बिन्दौ विहायसि ।पुरे संवेदने क्षेत्रे कुलाहलफले क्वचित् ॥ १ ॥

1.2.1 · p. 22

अनुष्टुप्

नखः कररुहे शस्त्रे गन्धद्रव्ये नखं नखी ।मुखं निःसरणे वक्त्रे प्रारम्भोपाययोरपि ॥ २ ॥

1.2.2 · p. 22

अनुष्टुप्

सुखं शर्म्मणि नाके च सुखा पुर्यां प्रचेतसः ।शङ्खो निध्यन्तरे कम्बुललाटास्थिनखीषु च ॥ ३ ॥

1.2.3 · p. 22

अनुष्टुप्

रेखा स्यादल्पके छद्मिन्याम्भोगोल्लेखयोरपि ।लेखो लेख्ये सुरे लेखा लिपिराजिकयोर्मता ।मुखः सम्यग्मनोज्ञेऽपि साम्नः षट्प्रणयेष्वपि ॥ ४ ॥

1.2.4 · p. 22

अनुष्टुप्

शिखा शिफायां चूडायां ज्वालायामग्रमात्रके ।लाङ्गल्याश्चापि शाखायां चूडायाञ्च शिखण्डिनः ॥ ५ ॥

1.2.5 · p. 22

अनुष्टुप्

सखा मित्रे सहाये च शाखा[ ]पक्षान्तरे भुजे ।शाखा वेदविभागे च पादपाङ्गेऽन्तिकेऽपि च ॥ ६ ॥

1.2.6 · p. 22

अनुष्टुप्

प्रेङ्खा पर्यटने नृत्ये भवेदश्वगतावपि ॥

1.2.7 · p. 22

खङ्खा गतिविशेषेऽपि शूकशिम्ब्याश्च नर्त्तने ॥ ७ ॥

1.2.7 · p. 23

त्रिशिखं शेखरे विद्या स्त्री[त्स्त्री]लेखा[?]राक्षसान्तरे ।सुमुखं तार्क्ष्यतनये फणिभेदे च पण्डिते ॥ ८ ॥

1.2.8 · p. 23

अनुष्टुप्metre not read in every linenearly अनुष्टुप्

दुर्मुखो नागराजेऽपि मुखरे वानराश्वयोः ।गोमुखं कुटिलागारे वाद्यभाण्डे च लेपके ॥ ९ ॥

1.2.9 · p. 23

अनुष्टुप्

प्रमुखः प्रथमे श्रेष्ठे विशिखस्तोमरे शरे ।रथ्यां खनित्र्यां विशिखा नलिकायामपि कचित् ॥ १० ॥

1.2.10 · p. 23

अनुष्टुप्metre not read in every linenearly अनुष्टुप्: pāda 2, syllable 6 पि (wrong syllable)

विशाखस्तारके स्कन्दे विशाखर्षौ कटिल्लके ।मयूखस्त्विट्करज्वाले वैशाखो राधमन्थयोः ॥ ११ ॥

1.2.11 · p. 23

अनुष्टुप्

अग्निमुखो द्विजे देवे भल्लाते चित्रके क्वचित् ।पञ्चनखो गजे कूर्मे शिलीमुखोऽलिबाणयोः ॥ १२ ॥

1.2.12 · p. 23

metre not recognised

भवेद्व्याघ्रनखः कन्दगन्धद्रव्यविशेषयोः ।महाशङ्खो नरास्थ्नि स्यान्निधिसङ्ख्याप्रभेदयोः ॥ १३ ॥

1.2.13 · p. 23

अनुष्टुप्

इन्दुलेखाऽमृतासोमलताशशिकलासु च ।शशिलेखा कलाभागे बाकुचीवृत्तभेदयोः ॥ १४ ॥

1.2.14 · p. 23

अनुष्टुप्

अग्निशिखा लाङ्गलिक्यां कुङ्कुमेऽग्निशिखं मतम् ।बद्धशिखा जटायां स्याद् बाले बद्धशिखो मतः ॥ १५ ॥

1.2.15 · p. 23

metre not recognisednearly अनुष्टुप्: pāda 1, syllable 3 शि (wrong syllable); pāda 3, syllable 3 शि (wrong syllable)

स्यान्मलिनमुखः प्रेते गोलाङ्गूले खलेऽनले ।अथ शीतमयूखोऽपि शशाङ्कघनसारयोः ॥ १६ ॥

1.2.16 · p. 23

अनुष्टुप्metre not read in every linenearly अनुष्टुप्: pāda 1, syllable 3 लि (wrong syllable)

सर्वतोमुखमाख्यातमन्तरिक्षे च पाथसि ।विधिक्षेत्रज्ञरुद्रेषु कथितः सर्वतोमुखः ॥ १७ ॥

1.2.17 · p. 23

अनुष्टुप्