All kośas › Tantrābhidhāna
तन्त्राभिधान Tantrābhidhāna
821 verses · 5,340 words tagged · 1,460 marked doubtful (dashed)
प्रकारान्तरवर्णनिघण्टु · क्ष
हृदयान्मुखगो व्यापी संवर्तक-नृसिंहकौ ।अनन्ताख्यो गणेशश्च मेरुर्वज्रतनुः क्ष-कः ॥ ५३ ॥
8.52.53 · p. 59
अनुष्टुप्
वर्णोद्भवा मूर्तिभेदा नामभेदास्तथैव च ।रुद्रयामलतन्त्रोक्ता मयोक्ता गुर्वनुज्ञया ॥ ५४ ॥
8.52.54 · p. 59
अनुष्टुप्
-----------------------------------अकारादि-क्षकारान्ता वर्णसंज्ञा गुरूक्तितः ।ग्रथिता सुखबोधेन मन्त्रोद्धाराय मन्त्रिणः ॥ ५५ ॥
8.52.55 · p. 59
अनुष्टुप्metre not read in every line
अथ कादिमते प्रोक्ता संज्ञा भूतलिपेः क्रमात् ।वातो मरुच्चरः प्राणो वायुर्नादो रयो जवी ।व्याप्तं स्पर्शो वायुजानां संज्ञा प्रोक्ता मनीषिभिः ॥ ५६ ॥
8.52.56 · p. 60
अनुष्टुप्metre not read in every line
अग्निर्वह्निः शुचिस्तेजः प्रभा दावः शिखी द्युतिः ।दाहो ग्रासश्च संज्ञोक्ता वह्न्यर्णानां क्रमादियम् ॥ ५७ ॥
8.52.57 · p. 60
अनुष्टुप्
धरा क्ष्मा भूः स्थिरा ज्या कुर्गोत्रा भूमी रसा इला ।दशानां भूमिवर्णानां संज्ञा प्रोक्ता विचक्षणैः ॥ ५८ ॥
8.52.58 · p. 60
अनुष्टुप्
जलं वारि वनं वा कं पाथस्तोयं रसोऽम्बु हृत् ।दशानां जलवर्णानां संज्ञोक्ता पूर्वसूरिभिः ॥ ५९ ॥
8.52.59 · p. 60
अनुष्टुप्
विभुः खं स्वर्द्युरभ्रं च व्योम शून्यं नभो वियत् ।हंसश्चाकाशवर्णानां संज्ञा माया विसर्गतः ॥ ६० ॥
8.52.60 · p. 60
अनुष्टुप्
एषा स्वतन्त्रतन्त्रोक्ता वर्णसंज्ञा समीरिता ॥ ६१ ॥
8.52.61 · p. 60