All kośas › Nānārthārṇavasaṃkṣepa

नानार्थार्णवसंक्षेप Nānārthārṇavasaṃkṣepa

केशवस्वामिन् · नानार्थार्णवसंक्षेपः केशवस्वाप्रणीतः · अमर पब्लिकेशन्स, सती चौत्तरा, वाराणसी · T. Ganapati Sastri

5,800 verses · 33,357 words tagged · 12,179 marked doubtful (dashed)

त्र्यक्षरकाण्डः · पुंल्लिङ्गाध्यायः (3/3)

धनपे शिल्पिभेदे चेत्यजयः सन्निधिः पुनः ।सन्निधाने चेन्द्रियाणां गोचरे सहुरिः पुनः ॥ २४१ ॥

अनुष्टुप्

अन्धकारे च युद्धे च सप्तर्षिस्त्वपि दीधितौ ।सप्तर्षयस्तु स्याच्चित्रशिखण्डिष्वथ कीर्त्यते ॥ २४२ ॥

अनुष्टुप्

स्वाध्यायस्तु भवेद्वेदे वेदस्य च जपे तथा ।स्थासकस्त्वपि चर्चिक्ये बुद्बुदे हस्तिनामपि ॥ २४३ ॥

अनुष्टुप्

ज्ञेयो नक्षत्रमालाख्यभूषणे स्नातकः पुनः ।गृहस्थे स्यात् कृतसमावर्तनेऽप्यथ सानसिः ॥ २४४ ॥

अनुष्टुप्

ऋणे नखे हिरण्येऽथ स्त्रीवासो वामलूरके ।स्त्रीणां वासे सुस्तरस्तु भवेच्छयनमानयोः ॥ २४५ ॥

अनुष्टुप्

सौप्तिकस्तु प्रपाताख्यशत्रुनिग्रहकर्मणि ।तद्वर्णनपरे चापि भवेद्भारतपर्वणि ॥ २४६ ॥

अनुष्टुप्

हर्यश्वस्तु भवेत् पूर्वराजभेदे पुरन्दरे ।हरिद्रुस्तु कलाप्यन्तेवासिनि प्रथमे स्मृतः ॥ २४७ ॥

अनुष्टुप्

तथा दारुहरिद्रायां वृक्षमात्रे तु कश्चन ।हिमारिस्तु रवौ वह्नौ हृच्छ्रयस्त्वपि मन्मथे ॥ २४८ ॥

अनुष्टुप्

कुक्ष्यग्नौ हेरुकस्तु स्यान्महाकालाह्वये गणे ।बुद्धभेदे च रभस इत्यध्यायः समाप्तवान् ॥ २४९ ॥

अनुष्टुप्