All kośas › Anekārthasaṅgraha

अनेकार्थसङ्ग्रह Anekārthasaṅgraha

हेमचन्द्राचार्य · अनेकार्थसङ्ग्रहो नाम कोशः आचार्यश्रीहेमचन्द्रेण विरचितः । · जयकृष्णदास-हरिदासगुप्तः - चौखम्बा संस्कृत सीरिज आफिस, विद्याविलास प्रेस, गोपालमंदिर के उत्तरफाटक, बनारस सिटी । · 1985 V.S. · श्रीपण्डितघनानन्दपाण्डेयेन पल्लवग्रामवासिना तथा श्रीपण्डितजनार्दनज्योतिर्विदा तारादत्तिना चीनाखनीवासिना च कूर्माचलपर्वतीयाभ्याम् उद्धृत्य संशोध्याऽकारादिसूच्या संवेष्ट्य मुद्रणायाऽर्पितः । श्रीमता पण्डितजगन्नाथशास्त्रिहोशिङ्गमहोदयेन साहित्योपाध्यायेन सम्पादितः

1,980 verses · text only, tagging comes next

द्विस्वरकाण्डः · द्विस्वरशान्ताः

इति द्विस्वरवान्ताः ।

अंशुः सूत्रादिसूक्ष्मांशे किरणे चन्द्रदीधितौ ।आशा ककुभि तृष्णायामाशुस्तु व्रीहिशीघ्रयोः ॥ ५३० ॥

2.28.530

अनुष्टुप्

ईशः स्वामिनि रुद्रे च स्यादीशा हलदण्डके ।काशस्तृणे रोगभेदे कीशः कपौ दिगम्बरे ॥ ५३१ ॥

2.28.531

अनुष्टुप्metre not read in every linenearly अनुष्टुप्: pāda 2, syllable 3 क (wrong syllable)

कुशो रामसुते दर्भे पापिष्ठे योक्त्रमत्तयोः ।कुशी लोहविकारे स्यात्कुशा वला कुशं जले ॥ ५३२ ॥

2.28.532

अनुष्टुप्metre not read in every linenearly अनुष्टुप्: pāda 2, syllable 3 व (wrong syllable)

केशः शिरसिजे पाशपाणौ ह्रीवेरदैत्ययोः ।क्लेशो रागादौ दुःखे च कोशः कोष इवाण्डके ॥ ५३३ ॥

2.28.533

अनुष्टुप्metre not read in every linenearly अनुष्टुप्: pāda 1, syllable 5 दौ (wrong syllable)

कुड्मले चषके दिव्येऽर्थचये योनिशिम्बयोः ।जातिकोशेऽसिपिधाने दर्शः सूर्येन्दुसङ्गमे ॥ ५३४ ॥

2.28.534

अनुष्टुप्metre not read in every linenearly अनुष्टुप्: pāda 1, syllable 6 पि (wrong syllable)

पक्षान्तेऽष्टौ दर्शने च दंशो वर्मणि चर्मणि ।दोषे वनमक्षिकायां खण्डने भुजगक्षते ॥ ५३५ ॥

2.28.535

metre not recognisednearly अनुष्टुप्: pāda 3, syllable 4 न (wrong syllable)

दशा वर्ताववस्थायां दशास्तु वसनाञ्चले ।नाशः पलायने मृत्यौ परिध्वस्तावदर्शने ॥ ५३६ ॥

2.28.536

अनुष्टुप्

निशा हरिद्रायां रात्रौ पशुश्छागे मृगादिषु ।प्रमथेऽपि च पाशस्तु मृगपक्ष्यादिबन्धने ॥ ५३७ ॥

2.28.537

अनुष्टुप्

कर्णान्ते शोभनार्थः स्यात्कचान्ते निकरार्थकः ।छात्राद्यन्ते च निन्दार्थः पेशी मांस्यसिकोशयोः ॥ ५३८ ॥

2.28.538

अनुष्टुप्

मण्डभेदे पलपिण्डे सुपक्वकणिकेऽपि च ।भूस्पृग्वैश्ये मानवे च राशिर्मेषादिपुञ्जयोः ॥ ५३९ ॥

2.28.539

metre not recognisednearly अनुष्टुप्: pāda 1, syllable 6 ल (wrong syllable)

वशो जनस्पृहायत्तेष्वायत्तत्वप्रभुत्वयोः ।वशा नार्य्यां वन्ध्यगव्यां हस्तिन्यां दुहितर्यपि ॥ ५४० ॥

2.28.540

अनुष्टुप्

वंशः सङ्घेऽन्वये वेणौ पृष्ठाद्यवयवेऽपि च ।वेशो वेश्यागृहे गेहे नेपथ्ये च शशः पशौ ॥ ५४१ ॥

2.28.541

अनुष्टुप्

बोले लोघ्रे नृभेदे च स्पशो हेरिकयुद्धयोः ।स्पर्शो वर्गाक्षरे दाने स्पर्शने स्पर्शके रुजि ॥ ५४२ ॥

2.28.542

अनुष्टुप्