All kośas › Vāṅmayārṇava

वाङ्मयार्णव Vāṅmayārṇava

रामावतारशर्मन् पाण्डेय · श्रीविश्वविद्यापराभिधः वाङ्मयार्णवः · ज्ञानमण्डल लिमिटेड, कबीरचौरा, वाराणसी · 1966 A.D.

6,843 verses · text only, tagging comes next

झ

झो झण्टीशे सुरगुरौ दैत्यराजेऽध्वनावपि ॥ २३३९ ॥

झटो झटितरि द्वे तु शूद्रामैत्रेयजे नरे ।झरा स्त्री झरणे नद्यां झरी ना निर्झरे झरः ॥ २३४० ॥

अनुष्टुप्

झर्झरः स्यात्कलियुगे वाद्यभेदे नदान्तरे ।विशीर्णे तु त्रिलिङ्गं तज्झर्झरं परिकीर्त्तितम् ॥ २३४१ ॥

अनुष्टुप्

झला स्यादातपस्योर्मौ दुहितर्यपि च स्त्रियाम् ।झल्लरी वाद्यभेदे च छत्रान्तालम्बिवाससि ॥ २३४२ ॥

अनुष्टुप्

झल्लिकोद्वर्त्तनपटे स्त्रियां द्योते च कीर्तिता ।झषो ना विपिने तापेऽथ द्वे मकरमत्स्ययोः ॥ २३४३ ॥

अनुष्टुप्

झषा नागबलासंज्ञभेषजे स्यात्स्त्रियामियम् ।झाण्टो निकुञ्जे कान्तारे व्रणादीनां च मार्जने ॥ २३४४ ॥

अनुष्टुप्

पुमान्स्थावरभेदेऽपि संघातेऽपि प्रकीर्त्तितः ।झिल्लिका स्त्रीमता झिण्ट्यामातपस्य रुचावपि ॥ २३४५ ॥

अनुष्टुप्

झिल्ली चीर्याख्यकीटे स्यादातपस्य रुचौ स्त्रियाम् ।तथा दग्धौदनेऽपि स्याद्वर्त्त्यामुद्वर्त्तनांशुके ॥ २३४६ ॥

अनुष्टुप्