All kośas › Vāṅmayārṇava

वाङ्मयार्णव Vāṅmayārṇava

रामावतारशर्मन् पाण्डेय · श्रीविश्वविद्यापराभिधः वाङ्मयार्णवः · ज्ञानमण्डल लिमिटेड, कबीरचौरा, वाराणसी · 1966 A.D.

6,843 verses · text only, tagging comes next

ट

टः-ढः

टः पुमान्वामने पादे निःस्वनेऽपि पुमान्मतः ॥ २३४७ ॥

टङ्कौऽस्त्री परशौ शैलशृङ्गे पाषाणदारणे ।मुद्रितोन्मानभेदे च टङ्कणे चाथ नृस्त्रियोः ॥ २३४८ ॥

अनुष्टुप्

मृगभेदेऽप्यवस्थाने ना तु कश्मीरविश्रुते ।महीरुहान्तरे नीलकपित्थे क्ली फले तयोः ॥ २३४९ ॥

अनुष्टुप्

टङ्कारो विस्मये पुंसि प्रसिद्धौ शिञ्जिनीध्वनौ ।टट्टरी लम्बभेदे स्याल्लम्बापटहसंज्ञके ॥ २३५० ॥

अनुष्टुप्

मिथ्यावादेऽपि च स्त्रीत्वे भेरीनादे तु टट्टरः ।टागरष्टङ्कणक्षारे केकराख्ये च वीक्षिते ॥ २३५१ ॥

अनुष्टुप्

अथ केकरनेत्रे त्रिष्टागरः स्याच्छरीरिणि ।टारो लङ्के तुरङ्गे च पुँल्लिङ्गः परिकीर्त्तितः ॥ २३५२ ॥

अनुष्टुप्

टुण्डुकोऽल्पे त्रिलिङ्गः स्यान्ना तरौ शोणकाभिधे ॥ २३५२-१/२ ॥