All kośas › Śabdaratnasamanvaya kośa

Śabdaratnasamanvaya kośa Śabdaratnasamanvaya kośa

King Sāhajī of Tanjore · Śabdaratnasamanvaya kośa of King Sāhajī of Tanjore - Critically edited with an introduction and index · Baroda, Oriental Institute, Published under the Authority of the Government of His Highness the Maharaja Gaekwad of Baroda · 1931 A.D. · Editor - Vitthalaram Lalluram Shastri, Sanskrit Mahāvidyālaya, Baroda; General Editor - B. Bhattacharyya

3,182 verses · text only, tagging comes next

Part 1

॥ श्रीगणेशाय नमः ॥

अथ शब्दरत्नसमन्वयकोशः ॥

यस्मिन्निदं यत्त्विदमेव नैत-द्वेद्यं न यस्मिन्विदितेऽन्यदस्ति ।यद्वेद वेदोऽपि विविच्य किञ्चि-त्तद्वाचि मे सन्ततमाविरस्तु ॥

1 · p. 1

इन्द्रवज्रा

अवनं हरिजाय वने यवनेलवनं च दिदेश निदेशमजे ।सहजेऽपि गजेऽप्यगजे युयुजेशमसौ मम सौख्यकरो न परः ॥

2 · p. 1

तोटकम्

यदुपाश्रयणं यदुपाश्रयणंन पृथक् प्रथयत्यपि सातिशयम् ।प्रणिधाय शयं मयि सानुशयंधियमुज्वलयत्वपि देवगुरुः ॥

3 · p. 1

तोटकम्

नाप्तं वारांनिधिममरमुखैर्यत्प्रयासैर्मथित्वाऽपारं प्रौढैरहमहमिकया सारसर्वस्वमस्य ।तच्चेद्वीचीनिचयपरिचयात्सङ्ग्रहीतुं प्रवृत्तोबालो लोलोऽप्ययममितधिया योगयुक्तैर्न बाध्यः ॥

4 · p. 2

metre not recognised

केचिन्नानार्थकाः केचित्कोशास्त्वेकार्थगोचराः ।एकोऽनेकार्थयुक्तोऽयं शब्दरत्नसमन्वयः ॥

5 · p. 2

अनुष्टुप्

केषुचित्त्वादिनियमः कृतोऽन्यत्रान्त्यगोचरः ।कोशेऽस्मिन्द्वयमप्यस्ति कवीनामुपकारकम् ॥

6 · p. 2

अनुष्टुप्

एकद्वित्रिचतुष्पञ्चषड्वर्णानुक्रमान्मया ।स्वरकाद्यादिकाद्यन्तवर्गैः कोशोऽयमीर्यते ॥

7 · p. 2

अनुष्टुप्