All kośas › Śabdaratnasamanvaya kośa

Śabdaratnasamanvaya kośa Śabdaratnasamanvaya kośa

King Sāhajī of Tanjore · Śabdaratnasamanvaya kośa of King Sāhajī of Tanjore - Critically edited with an introduction and index · Baroda, Oriental Institute, Published under the Authority of the Government of His Highness the Maharaja Gaekwad of Baroda · 1931 A.D. · Editor - Vitthalaram Lalluram Shastri, Sanskrit Mahāvidyālaya, Baroda; General Editor - B. Bhattacharyya

3,182 verses · text only, tagging comes next

कान्तवर्गः · कचतुर्थम् (1/2)

॥ इति कतृतीयम् ॥

॥ अथ कचतुर्थम् ॥

अङ्गारकः कुरण्टे स्यादुल्मुकांशे महीसुते ।अङ्गारिकाऽङ्गारधान्यां तथा किंशुककुड्मले ॥

1.4.1 · p. 31

अनुष्टुप्

अङ्गारिका चेक्षुकाण्डे गदिता शब्दवेदिभिः ।अलावलिमको भेके कोकिले पद्मकेसरे ॥

1.4.2 · p. 31

अनुष्टुप्

स्यादश्मन्तकमुद्धाने मल्लिकाच्छदनेऽपि च ।अश्मन्तको वृक्षभेदेऽनर्थको निष्प्रयोजने ॥

1.4.3 · p. 31

अनुष्टुप्

अनामिकाऽङ्गुलीभेदे चण्डाले स्यादनामकः ।अनास्तिको वेदवाह्ये वेल्लिते स्यादरालकः ॥

1.4.4 · p. 31

अनुष्टुप्

अयाचकस्तु गदितः प्रतिग्रहविवर्जिते ।द्वारावरोधेऽर्गलिकाऽपटिका काण्डपट्टके ॥

1.4.5 · p. 32

अनुष्टुप्

अनासिकस्तु विग्रे स्यात्पर्वतोर्ध्वे त्वधित्यका ।अट्टालिकाऽपि सौधाग्रे विधवाऽनलका मता ॥

1.4.6 · p. 32

अनुष्टुप्

आकल्पकस्तमोमोहग्रन्थावुत्कलिकामुदोः ।आक्षेपकोऽनिलव्याधौ व्याधे निन्दाकरेऽपि च ॥

1.4.7 · p. 32

अनुष्टुप्

मूषके स्यादाखनिकश्चोरे चापि च सूकरे ।आवेशिकः प्राघुणके चण्डे त्वाक्रोशको मतः ॥

1.4.8 · p. 32

अनुष्टुप्metre not read in every linenearly अनुष्टुप्: pāda 1, syllable 5 दा (wrong syllable)

आगन्तुकः स्यादतिथौ वैश्ये त्वापणिको मतः ।आम्रातकः पीतनके मता त्वायल्लकाऽरतौ ॥

1.4.9 · p. 32

अनुष्टुप्

आकालिकी विद्युति स्यादाखुभुक् तु बिडालके ।आख्यायिकोपलब्धार्थाऽऽलम्बकस्तु तताङ्गके ॥

1.4.10 · p. 32

अनुष्टुप्

धात्रीफले त्वामलकं धात्र्यामामलकी मता ।आवेशिकं स्यादातिथ्ये विद्या त्वान्वीक्षिकी क्वचित् ॥

1.4.11 · p. 32

अनुष्टुप्

आवेदको ज्ञापके स्यान्मूर्खे त्वागारिको भवेत् ।आमोदको हर्षकारिण्यपि सौगन्धिके भवेत् ॥

1.4.12 · p. 32

अनुष्टुप्

आभासिकः कृत्रिमे स्यादावेशिकस्तु प्राघुणे ।आटीककं तर्णकाल्याः स्थलीषु क्रीडने मतम् ॥

1.4.13 · p. 32

metre not recognisednearly अनुष्टुप्

इन्द्राणिका स्यान्निर्गुण्ड्यां दैवज्ञेक्षणिकौ समौ ।उत्सारको दण्डधर उत्कण्ठोत्कलिके समे ॥

1.4.14 · p. 32

अनुष्टुप्

कथितोत्कलिकोत्कण्ठाहेलासलिलवीचिषु ।उपासकः सेवके स्यादूर्ध्वलोकस्त्रिविष्टपे ॥

1.4.15 · p. 33

अनुष्टुप्

उपत्यकाऽद्रेरासन्नभूमावुक्ता मनीषिभिः ।एरण्डे तूरुवूकः स्याद् घटीयन्त्रे तु शाब्दिकाः ॥

1.4.16 · p. 33

अनुष्टुप्

उद्घाटकं विदुश्चोपधान उच्छीर्षकं मतम् ।एडमूकोऽन्यलिङ्गः स्याच्छठे वाक्श्रुतिवर्जिते ॥

1.4.17 · p. 33

अनुष्टुप्

कटिल्लकस्तु पर्णासे वर्षाभूकारवेल्लयोः ।कपर्दको जटाजूटे धूर्जटेश्च वराटके ॥

1.4.18 · p. 33

अनुष्टुप्

कर्कोटकः स्यान्मालूरकाद्रवेयप्रभेदयोः ।कलविङ्कः स्मृतो ग्रामचटके च कलिङ्गके ॥

1.4.19 · p. 33

अनुष्टुप्

कनीनिका तारकेऽक्ष्णः स्यात्कनिष्ठाङ्गुलौ च सा ।कलामकस्तु कलमे करशूकं नखे मतम् ॥

1.4.20 · p. 33

अनुष्टुप्

कलन्दिका सर्वविद्या पृष्ठास्थनि कशेरुका ।कदम्बकः समूहे स्यान्मरीचादौ कटुत्रिकम् ॥

1.4.21 · p. 33

अनुष्टुप्

कम्पिल्लिकौषधिभिदि कण्डोलः पिटके मतः ।कर्परिकाऽमृतासङ्गे भवेत्कट्टारिकाऽऽयुधे ॥

1.4.22 · p. 33

अनुष्टुप्metre not read in every linenearly अनुष्टुप्: pāda 1, syllable 3 रि (wrong syllable)

कञ्चुलिका तु कूर्पासे प्रकोष्ठे तु कलाचिका ।स्यात्कुलीरे कर्कटकः तथा राश्यन्तरेऽपि च ॥

1.4.23 · p. 33

metre not recognisednearly अनुष्टुप्: pāda 1, syllable 3 लि (wrong syllable); pāda 3, syllable 5 क (wrong syllable)

कङ्कोलकं कोशफले बर्हिबर्हे कलापकः ।केशप्रसाधनद्रव्ये तथा कङ्कतिका मता ॥

1.4.24 · p. 34

अनुष्टुप्

कार्तान्तिकस्तु दैवज्ञे कृतान्तस्य गणेऽपि च ।काकरूकोऽप्युलूके स्यान्निःस्वे स्त्रीजितदम्भयोः ॥

1.4.25 · p. 34

अनुष्टुप्

दिगम्बरे भीरुके च स्यात्कामान्तक ईश्वरे ।काकलकः कण्ठमणावूर्जे कार्तिकिको मतः ॥

1.4.26 · p. 34

metre not recognisednearly अनुष्टुप्: pāda 3, syllable 2 क (wrong syllable)

भक्ष्यकारे कान्दविकः कारणिकः परीक्षके ।कृपाशीले कारुणिकः कालीयकं च जोङ्गके ॥

1.4.27 · p. 34

metre not recognised

अपि कावचिकं प्राहुर्बुधाः कवचिनां गणे ।कामन्दको मुनेर्भेदे भीते कान्दिशीकः स्मृतः ॥

1.4.28 · p. 34

अनुष्टुप्metre not read in every linenearly अनुष्टुप्: pāda 2, syllable 5 शी (wrong syllable)

कापटिकोऽन्यमर्मज्ञे छात्रे स्यात्कालदेशिनि ।अथ क्लीतकिका नील्यां किरणाङ्को दिवाकरे ॥

1.4.29 · p. 34

अनुष्टुप्metre not read in every linenearly अनुष्टुप्: pāda 1, syllable 3 टि (wrong syllable)

भूलतायां किञ्चुलुको वनमुद्गे कुलीनकः ।निःस्वे (?) कुरबकः शोणाम्लानझिण्टिप्रभेदयोः ॥

1.4.30 · p. 34

अनुष्टुप्metre not read in every linenearly अनुष्टुप्: pāda 1, syllable 5 कि (wrong syllable)

कुरण्टकः पीतपुष्पाम्लानझिण्टिकयोः पुमान् ।तुवर्यां च कुलाल्यां च कस्तूर्यां (?) च कुलत्थिका ॥

1.4.31 · p. 34

अनुष्टुप्

कूष्माण्डकोऽस्रपभिदि फले कूष्माण्डकं मतम् ।कूष्माण्डकस्तु कर्कारौ कुम्भ्यां कुमुदिका मता ॥

1.4.32 · p. 34

अनुष्टुप्

कूर्पासकः कञ्चुके स्याद्वृध्याजीवे कुसीदकः ।कुमारकस्तु वरणे कार्तिकेयकबालयोः ॥

1.4.33 · p. 34

अनुष्टुप्

कुन्दुरुकी तु सल्लक्यां कुन्दुरुकस्तु तद्भवे ।कुमालकस्तु सौवीरदेशे कुम्भाण्डकोऽसुरे ॥

1.4.34 · p. 35

अनुष्टुप्metre not read in every line

कुठेरकस्तु कथितः शब्दविद्भिः कठिञ्जरे ।कृपाणिकाऽसिपुत्र्यां स्यादसौ तूक्तः कृपाणकः ॥

1.4.35 · p. 35

अनुष्टुप्

कृकाटिका तु घाटायां कृकवाकुर्मयूरके ।कृकवाकुश्च सरटे तथैव चरणायुधे ॥

1.4.36 · p. 35

अनुष्टुप्

कैराटकस्तु गदितः शब्दविद्भिर्विषान्तरे ।कोशातकी पटोल्यां च पुंसि घोषककेशयोः ॥

1.4.37 · p. 35

अनुष्टुप्

स्यात्कौशलिकमुत्कोचे खड्गे कौक्षेयकं विदुः ।कौलेयको निगदितः शुनि चापि महाकुले ॥

1.4.38 · p. 35

अनुष्टुप्

कौमोदकी गदाभेदे लोपामुद्रा तु कौषिकी ।भवेत्कौक्कुटिकोऽदूरप्रेरिताक्षे च दाम्भिके ॥

1.4.39 · p. 35

अनुष्टुप्

भण्डिनाराचोपधानग्रामणीषु खरालिकः ।भवेत्केलिकिले शस्त्राभ्यासभूमौ खलूरिका ॥

1.4.40 · p. 35

अनुष्टुप्

गवेधुका बीजभेदे गर्भपाकी तु षष्टिके ।ग्रामेयकस्तु ग्रामीणे ग्रामे गुडेरकं विदुः ॥

1.4.41 · p. 35

metre not recognisednearly अनुष्टुप्: pāda 4, syllable 3 गु (wrong syllable)

गिरियकः क्रीडनीये नृत्ये गुणनिकां विदुः ।तथा गुणनिकां प्राहुः शून्याङ्के पाठनिश्चये ॥

1.4.42 · p. 35

अनुष्टुप्metre not read in every linenearly अनुष्टुप्: pāda 1, syllable 3 य (wrong syllable)

ग्रैवेयकं न द्वयोस्तु मतं ग्रीवाविभूषणे ।गोकण्टको गोक्षुरके स्थपुटे च गवां खुरे ॥

1.4.43 · p. 35

अनुष्टुप्

गोमेदकं मणौ पीते काकोले पत्रकेऽपि च ।वलिरे स्याद्गोकुलिकः पङ्कस्थगव्युपेक्षके ॥

1.4.44 · p. 36

अनुष्टुप्metre not read in every line

गोजिह्विका शाकभेदे गोष्ठे गोस्थानकं विदुः ।अथ घर्घरिका क्षुद्रघण्टावादित्रदण्डयोः ॥

1.4.45 · p. 36

अनुष्टुप्

चर्चरीको महाकाले केशविन्यासशोकयोः ।चण्डालिका किन्नरायामुमायामौषधान्तरे ॥

1.4.46 · p. 36

अनुष्टुप्

कोविदारे चमरिकश्चञ्चरीकस्तु षट्पदे ।चण्डारिका भक्ष्यभेदेऽगदङ्कारे चिकित्सकः ॥

1.4.47 · p. 36

अनुष्टुप्

चक्रवाकश्च चक्राङ्के तथोक्तः कोकपक्षिणि ।चण्डातकं चलनकस्त्वर्धोरुकांशुके मतम् ॥

1.4.48 · p. 36

अनुष्टुप्metre not read in every linenearly अनुष्टुप्: pāda 2, syllable 3 रु (wrong syllable)

अथ चातुरकश्चक्रगण्डौ पुंस्यभिधेयवत् ।गोचरे लेाचनस्यापि चाटुकारे नियन्तरि ॥

1.4.49 · p. 36

अनुष्टुप्metre not read in every lineimpossible sign sequence: गोचरे लेाचनस्याnearly अनुष्टुप्

जर्जरीकं बहुच्छिद्रे जरातुरे निगद्यते ।जलालोका जलौकायां प्रलये तु जिहानकः ॥

1.4.50 · p. 36

अनुष्टुप्metre not read in every linenearly अनुष्टुप्: pāda 2, syllable 3 तु (wrong syllable)

विषवैद्ये जाङ्गलिको जागरूकस्तु जाग्रति ।जीवान्तको वागुरिके विषे जीवान्तकं मतम् ॥

1.4.51 · p. 36

अनुष्टुप्metre not read in every linenearly अनुष्टुप्: pāda 1, syllable 5 जा (wrong syllable)

जीवन्तिका गुडूच्यां स्याज्जीवाख्यशाकवन्दयोः ।जीवत्तोका जीवद्वत्सा वृत्तौ जीवनिका मता ॥

1.4.52 · p. 36

metre not recognisednearly अनुष्टुप्: pāda 2, syllable 3 ख्य (wrong syllable); pāda 3, syllable 5 जी (wrong syllable)

मृत्युलोके जीवलोकोऽमृतं जीवनकं मतम् ।जैवातृकस्त्वौषधीशे कृशकायुष्मतोरपि ॥

1.4.53 · p. 36

अनुष्टुप्

तर्त्तरीकं वहित्रे स्यान्न द्वयोः पारगे त्रिषु ।तिक्तशाकस्तु खदिरे वरुणे पत्रसुन्दरे ॥

1.4.54 · p. 37

अनुष्टुप्

फलत्रिके त्रिकटुकं गोक्षुरेऽपि त्रिवर्णकम् ।त्रिकण्टको गोक्षुरके जलजस्थावरान्तरे ॥

1.4.55 · p. 37

अनुष्टुप्

त्रिपत्रकः स्यान्मालूरेऽप्यायुधे स्यात् त्रिशीर्षकम् ।रेखात्रयान्विते भाले त्रिपताकमितीरितम् ॥

1.4.56 · p. 37

अनुष्टुप्

त्रिशीर्षको दैत्यभेदे तिन्तिडीकं तथौषधे ।तीक्ष्णशूको यवे क्षारे काञ्जिके तु तुषोदकम् ॥

1.4.57 · p. 37

अनुष्टुप्

काच्छ्यां मता तुवरिका शरे तेजनकाऽभिधः ।रङ्गाजीवे तौलिकिको बौद्धे तौतातिको मतः ॥

1.4.58 · p. 37

अनुष्टुप्

तौर्यत्रिकं नृत्तगीतवाद्यत्रिकमुदीरितम् ।दलाढकः स्वयञ्जाततिले प्रश्न्यां च गैरिके ॥

1.4.59 · p. 37

अनुष्टुप्

फेनखातकयोर्नागकेसरे च महत्तरे ।दयालुकः कृपायुक्ते दन्दशूकः सरीसृपे ॥

1.4.60 · p. 37

अनुष्टुप्

दयालुकः कारुणिके देशभेदे दशेरकः ।दासेरकस्तु करभे दासीपुत्रे च कीर्तितः ॥

1.4.61 · p. 37

अनुष्टुप्

कर्चूरके द्राविडको देशे जात्यन्तरेऽपि च ।द्विनग्नको दुश्चर्मणि रूप्ये दुर्वर्णकं मतम् ॥

1.4.62 · p. 37

अनुष्टुप्metre not read in every linenearly अनुष्टुप्: pāda 1, syllable 6 श्च (wrong syllable)

वृध्याजीवे द्वैगुणिको द्वाःस्थे दौवारिको मतः ।अथाश्वानां गतावुक्तं सद्भिर्धौरितकं त्विति ॥

1.4.63 · p. 37

अनुष्टुप्

नपुंसको भवेत्षण्ढे, पोतवाहे नियन्तरि ।नियामकः कर्णधारेऽप्युक्तो निश्चारकस्तथा ॥

1.4.64 · p. 38

अनुष्टुप्

पुरीषस्य क्षये स्वैरे तथैव च समीरणे ।निर्ग्रन्थकः स्यात्क्षपणे निष्फलेऽप्यपरिच्छदे ॥

1.4.65 · p. 38

अनुष्टुप्

निकोचकः स्यादङ्कोटे कञ्चुके च निचोलकः ।एकान्ते निःशलाकः स्याद्वनमुद्गे निगूढकः ॥

1.4.66 · p. 38

अनुष्टुप्

निर्दिग्धिका भवेद्व्याघ्र्यां निन्दकेऽपि निवारकः ।निरर्थकोऽर्थशून्ये स्यादक्षपादे तु कथ्यते ॥

1.4.67 · p. 38

अनुष्टुप्

नैयायिकोऽथ निस्त्रिंशायुधे नैस्त्रिंशिकं विदुः ।प्रचलाकः शराघाते शिखण्डे च भुजङ्गमे ॥

1.4.68 · p. 38

अनुष्टुप्

प्रकीर्णकं चामरे स्याद्विस्तारे ना तुरङ्गमे ।पर्यस्तिका परिकरे विटे पल्लवको मतः ॥

1.4.69 · p. 38

अनुष्टुप्

प्रसूतिका तु सूतायां ककुभे तु प्रसेवकः ।प्रत्यनीकस्त्वरातौ स्याल्लताभेदे पटोलिका ॥

1.4.70 · p. 38

अनुष्टुप्

प्रयाणकं स्यात्प्रस्थाने क्षुद्रारामे प्रसीदिका ।प्रवाहिका संग्रहण्यां वमौ प्रच्छर्दिका मता ॥

1.4.71 · p. 38

अनुष्टुप्

प्रवल्हिकावत्कथिता कथायां च प्रहेलिका ।टङ्कणे स्यात्पाचनकः प्राड्विवाकस्तु कीर्त्यते ॥

1.4.72 · p. 38

अनुष्टुप्metre not read in every linenearly अनुष्टुप्: pāda 1, syllable 5 त्पा (wrong syllable)

व्यवहारेष्वधिकृते पत्तौ पादातिको भवेत् ।पाञ्चालिका वस्त्रक्लृप्तपुत्रिकायां निगद्यते ॥

1.4.73 · p. 38

अनुष्टुप्

आगन्तौ स्यात्प्राघुणको वृत्ते प्रामाणिकं विदुः ।प्रालम्बिका हारभेदेऽप्यथ सीवनसाधने ॥

1.4.74 · p. 39

अनुष्टुप्

सूत्रे पिप्पलकं प्राहुस्तथा वक्षोजवृन्तके ।तगरे मदनाख्ये च तरौ पिण्डीतको मतः ॥

1.4.75 · p. 39

अनुष्टुप्

पिचण्डिका पिण्डिकाख्ये देहस्यावयवे भवेत् ।अथ पुष्कलको गन्धमृगे क्षपणकीलयोः ॥

1.4.76 · p. 39

अनुष्टुप्

पुण्डरीकं सिताम्भोजे सितछत्रे च भेषजे ।पुंसि व्याघ्रेऽग्निदिङ्नागे कोशकारान्तरेऽपि च ॥

1.4.77 · p. 39

अनुष्टुप्

वर्द्धापके (ने) भवेत्पूर्णानकं च पटहे तथा ।सारसे पुष्कराङ्कः स्यात्पृषदाज्ये पृषातकम् ॥

1.4.78 · p. 39

अनुष्टुप्

पृषातको देवभेदे फर्फरीकश्चपेटके ।फर्फरीकं मार्दवे स्यात्तरुभेदे फणिज्झकः ॥

1.4.79 · p. 39

अनुष्टुप्

तपस्ये स्यात्फाल्गुनिको देशे जातौ च बर्बरे ।बलाहको गिरौ मेघे दैत्यनागविशेषयोः ॥

1.4.80 · p. 39

अनुष्टुप्

बलान्तको महेन्द्रेऽथ वसन्तर्तौ बलाङ्गकः ।जम्बूफले बार्हतकं कलिद्रौ तु बिभीतकः ॥

1.4.81 · p. 39

अनुष्टुप्

कण्टकार्यां बृहतिका नृपे भट्टारको भवेत् ।भयानको भवेद्व्याघ्रे रसे राहौ भयङ्करे ॥

1.4.82 · p. 39

अनुष्टुप्

भल्लातकस्तरुभिदि भृङ्गे भ्रमरकस्तथा ।गैरिकेऽपि भ्रमरकस्तद्वत्स्याच्चूर्णकुन्तले ॥

1.4.83 · p. 39

अनुष्टुप्

भार्याटिकः पुमान् भार्यानिर्जिते च मृगान्तरे ।भूरूढकं तु छत्राके तथा भृष्टामिषे मतम् ॥

1.4.84 · p. 40

अनुष्टुप्

भवेन्मरुवकः पुष्पभिच्छल्यद्रुफणिज्झके ।मण्डोदकं चित्ररागे भवेदातर्पणेऽपि च ॥

1.4.85 · p. 40

अनुष्टुप्

मतं मण्डलकं कुष्ठभेदे बिम्बे च दर्पणे ।सस्यभेदे मर्कटकस्तथा वानरलूतयोः ॥

1.4.86 · p. 40

अनुष्टुप्metre not read in every linenearly अनुष्टुप्: pāda 1, syllable 5 म (wrong syllable)

मयूरकस्त्वपामार्गे क्लीबं तुत्थाञ्जने मतम् ।मधूलिका मधुश्रेण्यां जलजे तु मधूलकः ॥

1.4.87 · p. 40

अनुष्टुप्

मधुद्रुमेऽथ कथितो धान्यभेदे मयुष्ठकः ।मङ्गल्यको मसूरे स्यात् क्लीबे मङ्गलकर्मणि ॥

1.4.88 · p. 40

अनुष्टुप्

मकुष्ठकस्तु मुद्गे स्यान् मूर्व्यामुक्ता मधूलिका ।भवेन्मधुरको जीवकाख्ये तु धरणीरुहे ॥

1.4.89 · p. 40

अनुष्टुप्

मकूलको निकुम्भेऽपि मृगतृष्णा मरीचिका ।दध्याज्यमधुसंयोगे मधुपर्कमितीरितम् ॥

1.4.90 · p. 40

अनुष्टुप्

हारभेदे माणवको बाले कुपुरुषे बटौ ।मध्वासवे माधवको राधे मद्ये नपुंसकम् ॥

1.4.91 · p. 40

अनुष्टुप्metre not read in every linenearly अनुष्टुप्: pāda 1, syllable 5 मा (wrong syllable)

मृष्टेरुको वदान्येऽपि मृष्टाशिन्यतिथिद्विषि ।मेधाविको विदि ज्योतिषिके मौहूर्तिको मतः ॥

1.4.92 · p. 40

अनुष्टुप्

यवानीकाऽजमोदायां यायजूकस्तु याजके ।स्याद्याच्ञयाऽऽप्ते याचितकं युवतीनां तु संहतौ ॥

1.4.93 · p. 41

अनुष्टुप्metre not read in every linenearly अनुष्टुप्

भवेद्यौवतकं चाथ दिवसे स्याद्रतर्द्धिकम् ।सुखस्नाने मङ्गले च राजन्यकमुदीरितम् ॥

1.4.94 · p. 41

अनुष्टुप्

राज्ञां सङ्घे राधरङ्कुर्भवेत्सीरे च शीकरे ।घनोपले रैवतको गिरौ रोहितकस्तरौ ॥

1.4.95 · p. 41

अनुष्टुप्

ललाटिका पत्रपाश्या मालाभेदे ललन्तिका ।ललामकं विभूषायां मूले लामज्जकं विदुः ॥

1.4.96 · p. 41

अनुष्टुप्

लालाटिकः प्रभोर्भावदर्शिन्याश्लेषणान्तरे ।कार्याक्षमे च गदितस्त्वथ लाक्षणिकः पुनः ॥

1.4.97 · p. 41

अनुष्टुप्

सामुद्रिकज्ञेऽग्निशिखातरौ लाङ्गलिकी मता ।भवेल्लावणिकं सर्वं यद्यल्लवणसंस्कृतम् ॥

1.4.98 · p. 41

अनुष्टुप्

लेखहारे लेखनिको यः स्वहस्तेन वा लिखेत् ।लेखेषु परहस्तेन चक्रवाले तु पर्वते ॥

1.4.99 · p. 41

अनुष्टुप्metre not read in every linenearly अनुष्टुप्: pāda 1, syllable 5 ले (wrong syllable)

लोकालोको लोहितकः पद्मरागमणौ मतः ।वक्रोष्ठिका च हसने स्मृतं चोचे वराङ्गकम् ॥

1.4.100 · p. 41

अनुष्टुप्

वर्त्तरूकः काकनीडे नदीभेदे जलावटे ।वनीपको याचनके यानपात्रे वहित्रकम् ॥

1.4.101 · p. 41

अनुष्टुप्

आम्रातके वर्षपाकी पञ्चाङ्गुले व्यडम्बकः ।वरारकं वज्रमणौ रज्जौ तु स्याद्वराटकः ॥

1.4.102 · p. 41

अनुष्टुप्metre not read in every linenearly अनुष्टुप्: pāda 2, syllable 3 ङ्गु (wrong syllable)

वराटकः पद्मबीजकोशे चापि कपर्दके ।वरण्डकस्तु मातङ्गवेद्यां यौवनकण्टके ॥

1.4.103 · p. 41

अनुष्टुप्

वरण्डको वर्तुले च गदितस्तत्त्ववेदिभिः ।वडवाग्नौ वाणिजको विदितश्च वणिज्यपि ॥

1.4.104 · p. 42

metre not recognisednearly अनुष्टुप्: pāda 3, syllable 5 वा (wrong syllable)

वासन्तिका लताभेदे भारयष्टौ विहङ्गिका ।वृद्ध्याजीवे वार्धुषिको वावदूकस्तु वाग्मिनि ॥

1.4.105 · p. 42

अनुष्टुप्

वाद्यालकस्तु घण्टादौ वागुरिकस्तु जालिके ।विनायकस्तु गरुडे जिनभेदे गुरावपि ॥

1.4.106 · p. 42

अनुष्टुप्metre not read in every linenearly अनुष्टुप्: pāda 2, syllable 3 रि (wrong syllable)

विनायकापि रण्डायां हेरम्बे तु विनायकः ।विकूणिका स्यान्नासायां वैणिके तु विकूणिकः (?) ॥

1.4.107 · p. 42

अनुष्टुप्

वितुन्नकस्तु धान्याके झाटामलमयूरके ।वितुन्नकं हेमतारे तिलके स्याद्विशेषकम् ॥

1.4.108 · p. 42

अनुष्टुप्

नेतर्येकार्थसम्बन्धे प्राहुः श्लोकत्रयेऽपि तत् ।विछन्दकः प्रभेदेषु निन्दके तु विदूषकः ॥

1.4.109 · p. 42

अनुष्टुप्

विषान्तकः स्मरहरे हरिताले विडालकम् ।विकर्णिको देशभेदे पादस्फोटे विपादिका ॥

1.4.110 · p. 42

अनुष्टुप्

विरूढकं तु छत्राके कूपके तु विदारकः ।विप्रश्नकस्तु दैवज्ञे पामायां स्याद्विचर्चिका ॥

1.4.111 · p. 42

अनुष्टुप्

वृन्दारकः स्यादमरे वृषभाङ्को महेश्वरे ।वैदेहकस्तु शूद्रायां वैश्येनोत्पन्नसन्ततौ ॥

1.4.112 · p. 42

अनुष्टुप्

वैतालिको बोधकरे पटौ वैज्ञानिको मतः ।वार्तावहे वैवधिको भवेद्वैमानिकोऽमरे ॥

1.4.113 · p. 42

अनुष्टुप्

मणिकारे वैकटिको भृत्ये वैतनिको मतः ।वैरङ्गिको विरागार्हे शास्त्रे वैशेषिकं भवेत् ॥

1.4.114 · p. 43

अनुष्टुप्metre not read in every linenearly अनुष्टुप्: pāda 1, syllable 5 वै (wrong syllable)

आस्फोटन्यां वेधनिका वैतंसिकस्तु सौनिके ।वैहासिको हास्यजीवे भवेद्वैनयिको रथे ॥

1.4.115 · p. 43

metre not recognisednearly अनुष्टुप्: pāda 2, syllable 3 सि (wrong syllable)

वैनाशिकः स्यात्क्षणिके परतन्त्रोर्णनाभयोः ।शतानीको भवेद्वृद्धे राजभेदे तथा मुनौ ॥

1.4.116 · p. 43

अनुष्टुप्

क्षुद्रशङ्खे शङ्खनकः शरलक्ष्ये शरव्यकम् ।शालावृकः शृगाले स्यात्सारमेये बलीमुखे ॥

1.4.117 · p. 43

अनुष्टुप्metre not read in every linenearly अनुष्टुप्: pāda 1, syllable 5 श (wrong syllable)

शाकुनिको वागुरिके नभः श्रावणिको मतः ।शिखण्डिकः काकपक्षे भवेदपि शिखण्डकः ॥

1.4.118 · p. 43

metre not recognisednearly अनुष्टुप्: pāda 1, syllable 2 कु (wrong syllable)

शिवानकं पितृवने वदन्ति विबुधा जनाः ।श्रीवृक्षकमिति प्राहुरावर्तं हयवक्षसि ॥

1.4.119 · p. 43

अनुष्टुप्

श्रीपर्णिका तु कुम्भ्यां स्याच्छृङ्गाटकं चतुष्पथे ।शृङ्गाटकं तथा वारिकण्टके च निगद्यते ॥

1.4.120 · p. 43

अनुष्टुप्metre not read in every linenearly अनुष्टुप्: pāda 2, syllable 3 ट (wrong syllable)