All kośas › Śabdaratnasamanvaya kośa

Śabdaratnasamanvaya kośa Śabdaratnasamanvaya kośa

King Sāhajī of Tanjore · Śabdaratnasamanvaya kośa of King Sāhajī of Tanjore - Critically edited with an introduction and index · Baroda, Oriental Institute, Published under the Authority of the Government of His Highness the Maharaja Gaekwad of Baroda · 1931 A.D. · Editor - Vitthalaram Lalluram Shastri, Sanskrit Mahāvidyālaya, Baroda; General Editor - B. Bhattacharyya

3,182 verses · text only, tagging comes next

खान्तवर्गः · खद्वितीयम्

॥ अथ खद्वितीयम् ॥

आखुः स्यान्मूषके तूखा कृष्णवध्वां निगद्यते ।नखः कररुहे शङ्खे शुक्तौ स्त्रीक्लीबयोर्नखी ॥

2.2.1 · p. 53

अनुष्टुप्

नपुंसकं तु नखरे गन्धद्रव्येऽपि कुत्रचित् ।न्युङ्खः सम्यङ्मनोज्ञे च साम्नः षट्प्रणवेषु च ॥

2.2.2 · p. 53

अनुष्टुप्

पुङ्खस्तु शरमूले स्यात्प्रेङ्खा पर्यटनेऽपि च ।नृत्ये भवेदश्वगतावपि संवेशनान्तरे ॥

2.2.3 · p. 53

अनुष्टुप्

मुखं निःसरणे वक्त्रे प्रारम्भोपाययोरपि ।सन्ध्यन्तरे नाटकादेः शब्देऽपि च नपुंसकम् ॥

2.2.4 · p. 54

अनुष्टुप्

मूर्खो मूढे मखो यज्ञे लेखो लेख्ये सुरेऽपि च ।तथैव विदितः सद्भिर्लेखो वाचिकहारके ॥

2.2.5 · p. 54

अनुष्टुप्

मर्यादायां भवेल्लेखा लिपिराजिकयोरपि ।विङ्खो गतिविशेषे च शूकशिम्ब्यां च नर्तने ॥

2.2.6 · p. 54

अनुष्टुप्

शङ्खो निध्यन्तरे कम्बुललाटास्थिनखेष्वपि ।शङ्खी हरौ समुद्रे ना शङ्खवत्यभिधेयवत् ॥

2.2.7 · p. 54

अनुष्टुप्

शाखी स्यात्पादपे पुंसि तद्वद्विप्रजने मतः ।शाखा वेदविभागे च पादपाङ्गेऽन्तिकेऽपि च ॥

2.2.8 · p. 54

अनुष्टुप्

शिखा शिखायां चूडायां ज्वालायामग्रमात्रके ।लाङ्गलिक्यां च शाखायां चूडायां च शिखण्डिनः ॥

2.2.9 · p. 54

अनुष्टुप्

शिखी वह्नौ बलीवर्दै शरे केतुग्रहे द्रुमे ।मयूरे कुक्कुटे पुंसि शिखावत्यन्यलिङ्गवत् ॥

2.2.10 · p. 54

अनुष्टुप्

सखा सहाये मित्रे च वयस्यायां सखी मता ।सुखं शर्मणि नाके च सुखा पुर्यां प्रचेतसः ॥

2.2.11 · p. 54

अनुष्टुप्