All kośas › Śabdaratnasamanvaya kośa

Śabdaratnasamanvaya kośa Śabdaratnasamanvaya kośa

King Sāhajī of Tanjore · Śabdaratnasamanvaya kośa of King Sāhajī of Tanjore - Critically edited with an introduction and index · Baroda, Oriental Institute, Published under the Authority of the Government of His Highness the Maharaja Gaekwad of Baroda · 1931 A.D. · Editor - Vitthalaram Lalluram Shastri, Sanskrit Mahāvidyālaya, Baroda; General Editor - B. Bhattacharyya

3,182 verses · text only, tagging comes next

खान्तवर्गः · खतृतीयम्

॥ इति खद्वितीयम् ॥

॥ अथ खतृतीयम् ॥

अमुखस्तु भवेन्मूके त्वामुखं सम्मुखे मतम् ।उन्मुखस्तूर्ध्ववक्त्रे स्यादुत्कण्ठाव्याकुलेऽपि च ॥

2.3.1 · p. 55

अनुष्टुप्

गोमुखं कुटिलागारे वाद्यभेदे च लेपने ।गणभेदे महेशस्य तथा मातलिपुत्रके ॥

2.3.2 · p. 55

अनुष्टुप्

त्रिशिखं तु त्रिशूले स्याच्छिखरे राक्षसे पुमान् ।त्रिमुखं तु मतं शूले त्रिमुखो राक्षसान्तरे ॥

2.3.3 · p. 55

अनुष्टुप्

दुर्मुखो नागभेदेऽपि मुखरे वानराश्वयोः ।प्रमुखः प्रथमे श्रेष्ठे परिखा सालवेष्टने ॥

2.3.4 · p. 55

अनुष्टुप्

मयूखः किरणे ज्वालाशोभयोर्विशिखः पुनः ।शिलीमुखे तोमरे च विशिखा तु निगद्यते ॥

2.3.5 · p. 55

अनुष्टुप्

खनित्र्यामपि रथ्यायां नलिकायामपि क्वचित् ।वाङ्मुखं स्यादुपोद्घाते विमुखस्तु पराङ्मुखे ॥

2.3.6 · p. 55

अनुष्टुप्

विशाखस्तक्ष(र्क?)के स्कन्द ऋक्षभेदे कटिल्लके ।मन्थाने मासभेदेऽपि वैशाखः परिकीर्तितः ॥

2.3.7 · p. 55

अनुष्टुप्

षण्मुखस्तु विशाखे स्यात्सुमुखो वावदूकके ।सुमुखः स्यात्तार्क्ष्यपुत्रे फणिभेदे च पण्डिते ॥

2.3.8 · p. 55

अनुष्टुप्

हृल्लेखः स्यादुत्कलिका मन्त्रबीजाक्षरे क्वचित् ।हृल्लेखं तु भवेत्क्लीबेऽलक्ष्यवस्तुनि सर्वशः ॥

2.3.9 · p. 56

अनुष्टुप्