All kośas › Śabdaratnasamanvaya kośa

Śabdaratnasamanvaya kośa Śabdaratnasamanvaya kośa

King Sāhajī of Tanjore · Śabdaratnasamanvaya kośa of King Sāhajī of Tanjore - Critically edited with an introduction and index · Baroda, Oriental Institute, Published under the Authority of the Government of His Highness the Maharaja Gaekwad of Baroda · 1931 A.D. · Editor - Vitthalaram Lalluram Shastri, Sanskrit Mahāvidyālaya, Baroda; General Editor - B. Bhattacharyya

3,182 verses · text only, tagging comes next

कान्तवर्गः · कषष्ठम्

॥ इति कपञ्चमम् ॥

॥ अथ कषष्ठम् ॥

अहमहमिकामाहुरहङ्कारेऽथ लेखके ।शब्दशास्त्रपरिष्णाते वदन्त्यक्षरजीवकम् ॥

1.6.1 · p. 51

अनुष्टुप्metre not read in every linenearly अनुष्टुप्: pāda 1, syllable 3 म (wrong syllable)

दर्पादात्मप्रशंसायामाहोपुरुषिकां विदुः ।आभीरपल्लिका घोषे त्वाग्रहायणिकः सहे ॥

1.6.2 · p. 52

अनुष्टुप्

चर्मपात्रे तु करकपात्रिकाऽथ निगद्यते ।क्रयविक्रयिको वैश्ये काकोदुम्बरिका तरौ ॥

1.6.3 · p. 52

अनुष्टुप्

मलप्वां च तथैवोक्ता काकोदुम्बरिका जनैः ।कपोतपालिकामाहुर्विटङ्के शब्दवेदिनः ॥

1.6.4 · p. 52

अनुष्टुप्

कृतसापत्निकाऽध्यूढा कृतान्तजनको रविः ।स्थानात्स्थानान्तरं गच्छद्धूपे गन्धपिशाचिका ॥

1.6.5 · p. 52

अनुष्टुप्

गन्धर्वहस्तकः प्रोक्तस्तथैवैरण्डपादपे ।ग्राममद्गुरिका ग्रामयुद्धे शृङ्गिझषेऽपि च ॥

1.6.6 · p. 52

अनुष्टुप्

चर्मप्रभेदिकाऽऽरायां भस्त्रा चर्मप्रसेविका ।तरौ रोहितकाख्ये तु मतो दाडिमपुष्पकः ॥

1.6.7 · p. 52

अनुष्टुप्

नक्षत्रसूचको ज्योतिःशास्त्रवेदिनि कीर्तितः ।प्रख्यातवक्तृको विज्ञे टङ्के पाषाणदारकः ॥

1.6.8 · p. 52

अनुष्टुप्

पाषाणभेदकं प्राहुः शब्दज्ञाश्चौषधान्तरे ।बहुगर्ह्यवाग्वाचाटे शैलूषेऽथ निगद्यते ॥

1.6.9 · p. 52

अनुष्टुप्metre not read in every linenearly अनुष्टुप्: pāda 1, syllable 5 वा (wrong syllable)

विद्वद्भिः शब्दशास्त्रज्ञैरयं भरतपुत्रकः ।मार्जारकर्णिका देव्यां सूते मङ्गलपाठकः ॥

1.6.10 · p. 52

अनुष्टुप्

स्मृता तु नर्मदाख्यायां नद्यां मेकलकन्यका ।रङ्गाजीविनि रङ्गावतारकः परिकीर्तितः ॥

1.6.11 · p. 52

अनुष्टुप्

रथकुटुम्बिकः क्षत्ता रणे वीरजयन्तिका ।वीरविप्लावकः शूद्रधनैर्याजक उच्यते ॥

1.6.12 · p. 53

अनुष्टुप्metre not read in every linenearly अनुष्टुप्: pāda 1, syllable 3 कु (wrong syllable)

विज्ञानमातृको बौद्धे मतो विरलजानुकः ।ऊर्ध्वज्ञावथ निर्दिष्टो विज्ञैर्वर्णविलोडकः ॥

1.6.13 · p. 53

अनुष्टुप्

श्लोकस्तेने च चोरे च सिन्दूरतिलकः पुनः ।मतङ्गजे स्त्री कामिन्यां दूते सन्देशहारकः ॥

1.6.14 · p. 53

अनुष्टुप्

सौखशायनिकं प्राहुर्नरि सुस्वप्नपृच्छके ।

1.6.15 · p. 53