All kośas › Śabdaratnasamanvaya kośa

Śabdaratnasamanvaya kośa Śabdaratnasamanvaya kośa

King Sāhajī of Tanjore · Śabdaratnasamanvaya kośa of King Sāhajī of Tanjore - Critically edited with an introduction and index · Baroda, Oriental Institute, Published under the Authority of the Government of His Highness the Maharaja Gaekwad of Baroda · 1931 A.D. · Editor - Vitthalaram Lalluram Shastri, Sanskrit Mahāvidyālaya, Baroda; General Editor - B. Bhattacharyya

3,182 verses · text only, tagging comes next

षान्तवर्गः · षद्वितीयम्

॥ इति शब्दरत्नसमन्वये राजकोशापरपर्याये शान्तवर्गः ॥

॥ अथ षान्तवर्गः ॥

॥ अथ षद्वितीयम्‌ ॥

अर्षो रोगविशेषे स्यादार्षः स्यादृषिसम्भवे ।उषा स्याद्बाणकन्यायां रात्रावपि तथा मता ॥

31.1.1 · p. 330

अनुष्टुप्

उषस्तु रात्रिशेषे स्यात्तथा कामिनीगुग्गुलौ ।ऋषिर्वेदे वसिष्ठादौ दीधितौ च पुमानयम् ॥

31.1.2 · p. 330

अनुष्टुप्metre not read in every linenearly अनुष्टुप्: pāda 2, syllable 5 नी (wrong syllable)

ऋक्षः पर्वतभेदे स्याद्भल्लूके शोणकेऽपि च ।कृतवेधे त्वन्यलिङ्गो नक्षत्रे पुन्नपुंसकम् ॥

31.1.3 · p. 330

अनुष्टुप्

कर्षस्तु मानभेदे स्यात्कर्षणेऽपि प्रकीर्तितः ।कर्षूः स्मृतः करीषाग्नौ तथा कुल्येष्टिखातयोः ॥

31.1.4 · p. 330

अनुष्टुप्

कोषः खड्गपिधाने स्याद्दिव्ये पात्रे च कुड्मले ।जातिकोशेऽर्थसङ्घाते पेश्यां शब्दादिसङ्ग्रहे ॥

31.1.5 · p. 330

अनुष्टुप्

घोषस्त्वाभीरपल्ल्यां स्यात्कांस्ये चाम्बुदनिस्वने ।गोपालध्वनिघोषे च घोषा मधुरिकौषधौ ॥

31.1.6 · p. 330

अनुष्टुप्

झषा नागबलायां स्यात्तापमत्स्याटवीषु ना ।पिपासालिप्सयोस्तर्षस्तुषो धान्यत्वगक्षयोः ॥

31.1.7 · p. 330

अनुष्टुप्

तृषा लिप्सातृष्णयोश्च दोषा रात्रौ मता स्त्रियाम् ।दोषः करे च पापेऽपि प्रैषः क्लेशे च मर्दने ॥

31.1.8 · p. 330

अनुष्टुप्

उन्मादे प्रेषणे चापि पौषो मासान्तरे मतः ।मार्षः शाकविशेषेऽपि सतां मारिषवन्मतः ॥

31.1.9 · p. 330

अनुष्टुप्

माषो व्रीह्यन्तरे मूर्खे माने त्वग्भेददोषयोः ।मिषं व्याजे स्पर्धने च मेषो राश्यन्तरे पशौ ॥

31.1.10 · p. 331

अनुष्टुप्

वर्षोऽस्त्री भारतादौ च जम्बूद्विपाब्दवृष्टिषु ।प्रावृट्काले स्त्रियां भूम्नि विषं क्ष्वेडे जलेऽपि च ॥

31.1.11 · p. 331

अनुष्टुप्metre not read in every linenearly अनुष्टुप्: pāda 2, syllable 3 द्वि (wrong syllable)

विषा त्वौषधभेदे स्याद्वृषो राश्यन्तरे मतः ।धर्मे च गोपतौ शुक्रे शुक्रले वासके वरे ॥

31.1.12 · p. 331

अनुष्टुप्

मूषके मैथुनेऽपि स्यात्कपिकच्छ्वां वृषा स्मृता ।शृङ्ग्यां वृषा निगदिता यतीनामासने वृषी ॥

31.1.13 · p. 331

अनुष्टुप्

शुषिः शोषे बिले स्त्री स्याच्छेषः सङ्कर्षणेऽपि च ।वधेऽनन्ते चोपयुक्तेतरनिर्माल्यवस्तुनि ॥

31.1.14 · p. 331

अनुष्टुप्

शोषो यक्ष्मणि शुष्कत्वे हर्षस्तोषे हृषिस्तथा ।ह्रेषाऽश्वशब्दे गदिता शब्दमात्रेऽपि कुत्रचित् ॥

31.1.15 · p. 331

अनुष्टुप्