कोविद्यास्थानम् · कोशाःVidyāsthāna Kośa · kosha.sanskrit.site

All kośas › Śabdaratnasamanvaya kośa

Śabdaratnasamanvaya kośa Śabdaratnasamanvaya kośa

King Sāhajī of Tanjore · Śabdaratnasamanvaya kośa of King Sāhajī of Tanjore - Critically edited with an introduction and index · Baroda, Oriental Institute, Published under the Authority of the Government of His Highness the Maharaja Gaekwad of Baroda · 1931 A.D. · Editor - Vitthalaram Lalluram Shastri, Sanskrit Mahāvidyālaya, Baroda; General Editor - B. Bhattacharyya

3,182 verses · text only, tagging comes next

जान्तवर्गः · जचतुर्थम्

॥ इति जतृतीयम् ॥

॥ अथ जचतुर्थम् ॥

कनिष्ठेऽवरजः प्रोक्तस्त्वहिभुग्बर्हितार्क्ष्ययोः ।कान्यकुब्जं कन्यकुब्जं समानं नीवृदन्तरे ॥

अनुष्टुप्

काश्मीरजं केसरे च कुष्ठे क्लीबेऽथ योषिति ।वदन्त्यतिविषायां च ग्रहराजो दिवाकरे ॥

अनुष्टुप्

गिरिराजः पुमान्मेरौ क्लीबं कालायसे (?)मतम् ।जघन्यजस्त्ववरजे वृषलेऽथ निशाकरे ॥

अनुष्टुप्

वैनतेये द्विजराजो तथोक्तोऽनन्तभोगिनि ।देवराजः सुनासीरे धर्मराजो युधिष्ठिरे ॥

अनुष्टुप्metre not read in every linenearly अनुष्टुप्: pāda 1, syllable 6 ज (wrong syllable)

समवर्त्तिनि बुद्धे च भारद्वाजो विहङ्गमे ।मुनौ च वनकार्पास्यां भारद्वाजी पुमानथ ॥

अनुष्टुप्

गुरोः पुत्रे पांडवानामाचार्येऽपि मतः पुमान् ।पक्षिराजो वैनतेये पर्णराजिस्तरौ क्वचित् ॥

अनुष्टुप्

भृङ्गराजः पक्षिभेदे मार्कवे च मधुव्रते ।मृगराजस्तु पञ्चास्ये महाराजो महीपतौ ॥

अनुष्टुप्

यक्षराजस्तु धनदे मल्लानां रङ्गबन्धने ।राजराजः कुबेरेऽपि सार्वभौमे निशाकरे ॥

अनुष्टुप्

वनायुजोऽश्वभेदे स्यादपि वानायुजो मतः ।क्षीराब्धिजो निशाकान्ते लक्ष्म्यां क्षीराब्धिजा मता ॥

अनुष्टुप्