All kośas › Śabdaratnasamanvaya kośa

Śabdaratnasamanvaya kośa Śabdaratnasamanvaya kośa

King Sāhajī of Tanjore · Śabdaratnasamanvaya kośa of King Sāhajī of Tanjore - Critically edited with an introduction and index · Baroda, Oriental Institute, Published under the Authority of the Government of His Highness the Maharaja Gaekwad of Baroda · 1931 A.D. · Editor - Vitthalaram Lalluram Shastri, Sanskrit Mahāvidyālaya, Baroda; General Editor - B. Bhattacharyya

3,182 verses · text only, tagging comes next

षान्तवर्गः · षचतुर्थम्

॥ इति षतृतीयम्‌ ॥

॥ अथ षचतुर्थम्‌ ॥

अनिमेषः सुरे मत्स्येऽप्यनुकर्षोऽनुकर्षणे ।तथैव च रथस्याधःस्थितदारुणि चेष्यते ॥

31.3.1 · p. 333

अनुष्टुप्

अनुतर्षः सुरापानपात्रे तृष्णाभिलाषयोः ।अलम्बुषः प्रहस्ते च छर्दने राक्षसान्तरे ॥

31.3.2 · p. 333

अनुष्टुप्

अलम्बुषा तु मुण्डीर्यां सुकुमारीगणान्तरे ।अम्बरीषं रणे भ्राष्ट्रे क्लीबं पुंसि नृपान्तरे ॥

31.3.3 · p. 333

अनुष्टुप्

तथा नरकभेदेऽपि किशोरे च (र)वावपि ।आम्रातकेऽनुतापे चाप्यम्बरीष उदीरितः ॥

31.3.4 · p. 334

अनुष्टुप्metre not read in every linenearly अनुष्टुप्

अम्बरीषो वह्निभेदेऽप्याम्बरीषोऽपि गद्यते ।उक्तः किम्पुरुषो लोकभेदकिन्नरयोः पुमान् ॥

31.3.5 · p. 334

अनुष्टुप्

दशाकर्षी तु दीपे स्याद्ध्वान्तोन्मेषस्तमोमणौ ।नन्दिघोषोऽर्जुनरथे घोषे बन्दिजनस्य च ॥

31.3.6 · p. 334

अनुष्टुप्

परिवेषस्तु परिधौ तथैव परिवेषणे ।परिघोषो निनादे स्यादवाच्ये जलदध्वनौ ॥

31.3.7 · p. 334

अनुष्टुप्

पलङ्कषा गोक्षुरे स्याद्रास्नागुग्गुलकिंशुके ।मुण्डीरीलाक्षयोश्चापि राक्षसेऽपि पलङ्कषः ॥

31.3.8 · p. 334

अनुष्टुप्

महाघोषा तु कर्कट्यां शृङ्ग्यां हट्टातिघोषयोः ।मञ्जूधोषाऽप्सरोभेदे वीणापरभृतोरपि ॥

31.3.9 · p. 334

अनुष्टुप्

मार्गशीर्षो मतो मासे मृगशीर्षं तु भे मतम् ।वातरूषस्तु वातूलोत्कोचयोः शक्रधन्वनि ॥

31.3.10 · p. 334

अनुष्टुप्

समाकर्षी तु निर्हारिगुणे प्राहुर्मनीषिणः ।सर्ववेषी नटे प्रोक्तः पुंसि शब्दविशारदैः ॥

31.3.11 · p. 334

अनुष्टुप्