All kośas › Śabdaratnasamanvaya kośa

Śabdaratnasamanvaya kośa Śabdaratnasamanvaya kośa

King Sāhajī of Tanjore · Śabdaratnasamanvaya kośa of King Sāhajī of Tanjore - Critically edited with an introduction and index · Baroda, Oriental Institute, Published under the Authority of the Government of His Highness the Maharaja Gaekwad of Baroda · 1931 A.D. · Editor - Vitthalaram Lalluram Shastri, Sanskrit Mahāvidyālaya, Baroda; General Editor - B. Bhattacharyya

3,182 verses · text only, tagging comes next

ठान्तवर्गः · ठतृतीयम्

॥ इति ठद्वितीयम्‌ ॥

॥ अथ ठतृतीयम्‌ ॥

अम्बष्ठो देशभेदे च विप्राद्वैश्यासुतेऽपि च ।स्त्रियां तु स्यादम्ललोण्यां पाठायूथिकयोरपि ॥

12.3.1 · p. 94

अनुष्टुप्

अपष्ठुस्तु भवेत्काले वामे स्यादन्यलिङ्गकः ।कमठः कच्छपे भाण्डभेदे तु कमठं मतम् ॥

12.3.2 · p. 94

अनुष्टुप्

कनिष्ठोऽल्पेऽनुजे यूनि कनिष्ठा दुर्बलाङ्गुलौ ।जरठः कर्कशे पाण्डौ कठिने त्वभिधेयवत् ॥

12.3.3 · p. 94

अनुष्टुप्

नर्मठश्चुबुके षिड्गे प्रतिष्ठा गौरवे क्षितौ ।स्थाने च यागनिष्पत्तिचतुरक्षरपद्ययोः ॥

12.3.4 · p. 94

अनुष्टुप्

प्रकोष्ठो मणिबन्धस्य कुर्परस्यान्तरेऽपि च ।भूपकक्षान्तरेऽपि स्याल्लघिष्ठो बालकल्पके ॥

12.3.5 · p. 94

अनुष्टुप्

वसिष्ठो मुनिभेदे स्याद्वरिष्ठं मरिचे मतम् ।वरिष्ठः स्यादुरुतरे प्रवरे तित्तिरावपि ॥

12.3.6 · p. 94

अनुष्टुप्

ताम्रे चाथ मकुष्ठस्तु व्रीहिभेदेऽपि मन्थरे ।वैकुण्ठः स्याद्विष्णुलोके तथा विष्णौ शतक्रतौ ॥

12.3.7 · p. 94

अनुष्टुप्

श्रीकण्ठो देशभिद्युग्रे साधिष्ठोऽतिदृढार्ययोः ।

12.3.8 · p. 94