All kośas › Śabdaratnasamanvaya kośa

Śabdaratnasamanvaya kośa Śabdaratnasamanvaya kośa

King Sāhajī of Tanjore · Śabdaratnasamanvaya kośa of King Sāhajī of Tanjore - Critically edited with an introduction and index · Baroda, Oriental Institute, Published under the Authority of the Government of His Highness the Maharaja Gaekwad of Baroda · 1931 A.D. · Editor - Vitthalaram Lalluram Shastri, Sanskrit Mahāvidyālaya, Baroda; General Editor - B. Bhattacharyya

3,182 verses · text only, tagging comes next

छान्तवर्गः · छैकम्

॥ इति शब्दरत्नसमन्वये राजकोशापरपर्याये चान्तवर्गः ॥

॥ अथ छान्ताः ॥

॥ अथ छैकम्‌ ॥

निर्मले छः समाख्यातः सरणिस्थः प्रकीर्तितः ।छेदने छः समाख्यातो जपसिद्धौ च कीर्तितः ॥

7.1.1 · p. 74

अनुष्टुप्

छं छन्दश्च समाख्यातं तडिति छं प्रचक्षते ।

7.1.2 · p. 74

अनुष्टुप्

॥ अथ छद्वितीयम् ॥

अच्छः स्फटिकभल्लूकनिर्मलेष्वच्छमव्ययम् ।आभिमुख्ये भवेदाच्छ आयामे परिपठ्यते ॥

7.1.3 · p. 74

अनुष्टुप्

शब्दवेदिभिरिच्छा तु समीहावीप्सयोर्मता ।उञ्छस्तु मुनिवृत्तौ स्याद्विवासे तूच्छिरुच्यते ॥

7.1.4 · p. 74

अनुष्टुप्

अनूपदेशे कच्छः स्यान्नौकाङ्गे तुन्नकद्रुमे ।वाराह्यां परिधाने स्यात्पश्चादञ्चलपल्लवे ॥

7.1.5 · p. 74

अनुष्टुप्

चीरिकायां च कच्छा च स्त्रियां गुच्छः पुमान्मतः ।स्तबके हारभेदे च तथा स्तम्बकलापयोः ॥

7.1.6 · p. 74

अनुष्टुप्

पिच्छा तु शाल्मलीवेष्टे पङ्क्तावाश्रमपादपे ।मोचापूगच्छटाकोशभक्तसम्भूतमण्डके ॥

7.1.7 · p. 74

अनुष्टुप्

लाङ्गुले बर्हिचूडायां तथैवाश्वपदामये ।पिच्छं पुच्छे तु गदितं पृच्छा प्रश्ने प्रकीर्तिता ॥

7.1.8 · p. 74

अनुष्टुप्

भर्च्छा निर्भर्च्छने प्रोक्ता मृच्छा स्यात्परिमार्जने ।म्लेच्छस्तु जातिभेदे स्यान्म्लेच्छः स्यादपभाषणे ॥

7.1.9 · p. 74

अनुष्टुप्

तथा पामरभेदे च पापरक्ते च कीर्तितः ।भवेद्युच्छः प्रमादेऽपि कथ्यते त्वयलक्षणे ॥

7.1.10 · p. 75

अनुष्टुप्

लच्छलाच्छौ निगदितौ मता स्फूर्छा तु विस्तृतौ ।लज्जायां तु भवेद्धृच्छा हूर्छा कौटिल्यवाचिनि ॥

7.1.11 · p. 75

अनुष्टुप्