All kośas › Śabdaratnasamanvaya kośa

Śabdaratnasamanvaya kośa Śabdaratnasamanvaya kośa

King Sāhajī of Tanjore · Śabdaratnasamanvaya kośa of King Sāhajī of Tanjore - Critically edited with an introduction and index · Baroda, Oriental Institute, Published under the Authority of the Government of His Highness the Maharaja Gaekwad of Baroda · 1931 A.D. · Editor - Vitthalaram Lalluram Shastri, Sanskrit Mahāvidyālaya, Baroda; General Editor - B. Bhattacharyya

3,182 verses · text only, tagging comes next

चान्तवर्गः · चतृतीयम्

॥ इति चद्वितीयम्‌ ॥

॥ अथ चतृतीयम्‌ ॥

अवाची तु प्रतीच्यां स्यादरुचिः स्याद्गदान्तरे ।अरुचस्तु बिडाले स्यादवीचिर्नरकान्तरे ॥

6.3.1 · p. 72

अनुष्टुप्

आनर्चिः स्याद्देशभेदे स्यादुदर्चिर्हुताशने ।उदीची दिग्विभेदे स्यादौदीच्यं तद्भवे त्रिषु ॥

6.3.2 · p. 72

अनुष्टुप्

कणीचिः पुष्पितलतागुञ्जयोः शकटेऽपि च ।कवचो गर्दभाण्डे च सन्नाहे पटहेऽपि च ॥

6.3.3 · p. 72

अनुष्टुप्

क्रकचः करपत्रेऽपि ग्रन्थिलाख्यतरावपि ।नमुचिस्तु स्मृतो दैत्यभेदे कुसुमकामुके ॥

6.3.4 · p. 72

अनुष्टुप्

नाराच्येषणिकायां स्याल्लोहबाणाम्बुहस्तिनोः ।प्रपञ्चः स्यात्तु विस्तारे संश(च)येऽपि प्रतारणे ॥

6.3.5 · p. 73

अनुष्टुप्

मरीचं तत्प्रसूने स्यान्मरीचं तूषणे मतम् ।मरीचिर्मुनिभेदे ना गभस्तावनपुंसकम् ॥

6.3.6 · p. 73

अनुष्टुप्

मारीचः स्यात्तु कल्लोले राक्षसे याजकद्विजे ।मारीची देवताभेदे विपञ्ची केलिवीणयोः ॥

6.3.7 · p. 73

अनुष्टुप्

विरिञ्चश्च विरिञ्चिश्च वैकुण्ठे परमेष्ठिनि ।विकचः क्षपणे केतौ नाऽकेशे स्फुटितेऽपि च ॥

6.3.8 · p. 73

अनुष्टुप्

सङ्कोचः स्यान्मीनभेदे बन्धे क्लीबं तु कुङ्कुमे ।सप्तार्चिर्भास्करे वह्नौ सप्तार्चिस्तु शनैश्चरे ॥

6.3.9 · p. 73

अनुष्टुप्