कोविद्यास्थानम् · कोशाःVidyāsthāna Kośa · kosha.sanskrit.site

All kośas › Śabdaratnasamanvaya kośa

Śabdaratnasamanvaya kośa Śabdaratnasamanvaya kośa

King Sāhajī of Tanjore · Śabdaratnasamanvaya kośa of King Sāhajī of Tanjore - Critically edited with an introduction and index · Baroda, Oriental Institute, Published under the Authority of the Government of His Highness the Maharaja Gaekwad of Baroda · 1931 A.D. · Editor - Vitthalaram Lalluram Shastri, Sanskrit Mahāvidyālaya, Baroda; General Editor - B. Bhattacharyya

3,182 verses · text only, tagging comes next

गान्तवर्गः · गचतुर्थम्

॥ इति गतृतीयम्‌ ॥

॥ अथ गचतुर्थम्‌ ॥

अपवर्गस्तु मोक्षे स्यात्त्यागकार्यावसानयोः ।साफल्ये चाभिषङ्गस्तु शपथाक्रोशयोरपि ॥
3.4.1 · p. 67
अनुष्टुप्
पराभवे चाभियोगो जयाय सह सेनया ।रिपुं प्रत्यभियाने स्यादनुयोगो नियोजने ॥
3.4.2 · p. 67
अनुष्टुप्
अनुषङ्गोऽनुवृत्तौ स्यादनुरागो रतावपि ।ईहामृगो निगदितः कोकरूपकभेदयोः ॥
3.4.3 · p. 67
अनुष्टुप्
उपरागो निगदितो राहुग्रासेऽर्कचन्द्रयोः ।दुर्नये ग्रहकल्लोले व्यसनेऽपि च गद्यते ॥
3.4.4 · p. 67
अनुष्टुप्
उपसर्गः स्मृतो रोगभेदोपप्लवयोरपि ।एकपिङ्गस्तु धनदे कटभङ्गो नृपात्यये ॥
3.4.5 · p. 67
अनुष्टुप्
हस्तच्छेदेऽपि सस्यानां चन्द्रभागा नदीभिदि ।चन्द्रभागी च गदिता, छत्रभङ्गस्तु गद्यते ॥
3.4.6 · p. 67
अनुष्टुप्
वैधव्ये वनितानां तु स्वातन्त्र्यनृपनाशयोः ।दीर्घाध्वगस्तु करभे तथा लेखवहेऽपि च ॥
3.4.7 · p. 67
अनुष्टुप्
पृष्ठशृङ्गी पुमान् दंशभीरौ क्लीबे पृथूदरे ।मल्लनागोऽभ्रमातङ्गे वात्स्यायनमुनावपि ॥
3.4.8 · p. 67
अनुष्टुप्
मातुलुङ्गो बीजपूरे मातुलिङ्गश्च कथ्यते ।लोहिताङ्गो भूमिपुत्रे क्लीबे तु स्यात्प्रवालके ॥
3.4.9 · p. 67
अनुष्टुप्
समायोगस्तु संयोगे समवाये प्रयोजने ।संप्रयोगस्तु सुरते कार्मणेऽप्यन्वितेऽपि च ॥
3.4.10 · p. 68
अनुष्टुप्
संप्रयोगी क्रियाकेलौ कामुके सप्रयोजने ।
3.4.11 · p. 68