All kośas › Śabdaratnasamanvaya kośa

Śabdaratnasamanvaya kośa Śabdaratnasamanvaya kośa

King Sāhajī of Tanjore · Śabdaratnasamanvaya kośa of King Sāhajī of Tanjore - Critically edited with an introduction and index · Baroda, Oriental Institute, Published under the Authority of the Government of His Highness the Maharaja Gaekwad of Baroda · 1931 A.D. · Editor - Vitthalaram Lalluram Shastri, Sanskrit Mahāvidyālaya, Baroda; General Editor - B. Bhattacharyya

3,182 verses · text only, tagging comes next

भान्तवर्गः · भद्वितीयम्

॥ इति भैकम्‌ ॥

॥ अथ भद्वितीयम्‌ ॥

अम्भा जले तु शोभायामाभा स्यात्करिणि त्विभः ।कुम्भो राश्यन्तरे योगविशेषे गदितो घटे ॥

24.2.1 · p. 218

अनुष्टुप्

कामुके वारनार्यां च करिमूर्धनि राक्षसे ।गुग्गुलौ वारनार्याश्च पतौ कुम्भा त्रिवृत्यपि ॥

24.2.2 · p. 218

अनुष्टुप्

कुम्भी तु पाटलावारिपर्णीपिठरकट्फले ।गर्भो भ्रूणेऽर्भके कुक्षौ सन्धौ पनसकण्टके ॥

24.2.3 · p. 218

अनुष्टुप्

जम्भो दैत्यान्तरे दन्ते जम्बीरेऽपि च भक्षणे ।जृम्भो हर्षे विकासे च जृम्भायामपि गद्यते ॥

24.2.4 · p. 218

अनुष्टुप्

डिम्भस्तु बालके मूर्खे तथा बालिशचेष्टिते ।दम्भः स्यात्कैतवे कल्के दृन्भूः स्त्री सर्पवज्रयोः ॥

24.2.5 · p. 218

अनुष्टुप्

नभस्तु श्रावणे पुंसि खे तु क्लीबे मतं नभः ।नाभिस्त्ववयवे मुख्यनृपे क्षत्रियमात्रके ॥

24.2.6 · p. 218

अनुष्टुप्

चक्रमध्ये प्रधाने च स्त्रियां कस्तूरिकामदे ।निभस्तु कथितो व्याजे पुल्लिङ्गः सदृशे त्रिषु ॥

24.2.7 · p. 219

अनुष्टुप्

प्रभुः परिवृढे प्रोक्तः समर्थेऽपि निगद्यते ।रम्भा कदल्यप्सरसोर्ना वेणौ वानरान्तरे ॥

24.2.8 · p. 219

अनुष्टुप्

लाभः प्राप्तौ भवेल्लोभः कार्पण्यातिशयेऽपि च ।विभुः प्रभौ सर्वगते शङ्करब्रह्मणोरपि ॥

24.2.9 · p. 219

अनुष्टुप्

शम्भुरर्हन्महादेवपरमेष्ठिषु कीर्त्तितः ।शुभो योगविशेषेऽपि शुभं क्षेमेऽपि गद्यते ॥

24.2.10 · p. 219

अनुष्टुप्

शुम्भो दैत्यविशेषेऽपि शोभा कान्तीच्छयोर्मता ।सभा सामाजिके द्यूते गोष्ठीमन्दिरयोरपि ॥

24.2.11 · p. 219

अनुष्टुप्

स्वभूर्ना ब्रह्मणि हरौ स्तम्भः स्थूणाजडत्वयोः ।क्षोभः कोपविशेषे च कल्पान्तेऽपि निगद्यते ॥

24.2.12 · p. 219

अनुष्टुप्