All kośas › Śabdaratnasamanvaya kośa

Śabdaratnasamanvaya kośa Śabdaratnasamanvaya kośa

King Sāhajī of Tanjore · Śabdaratnasamanvaya kośa of King Sāhajī of Tanjore - Critically edited with an introduction and index · Baroda, Oriental Institute, Published under the Authority of the Government of His Highness the Maharaja Gaekwad of Baroda · 1931 A.D. · Editor - Vitthalaram Lalluram Shastri, Sanskrit Mahāvidyālaya, Baroda; General Editor - B. Bhattacharyya

3,182 verses · text only, tagging comes next

ठान्तवर्गः · ठद्वितीयम्

॥ इति ठैकम्‌ ॥

॥ अथ ठद्वितीयम्‌ ॥

कठः स्वर ऋचां भेदे स्यात्तदध्येतृवेदिनोः ।मुनिभेदे वारिपर्ण्यां तथा स्यात्प्रसभेऽपि च ॥

12.2.1 · p. 93

अनुष्टुप्

कण्ठो ध्वनौ सन्निधाने गले मदनभूरुहे ।काष्ठा दारुनिशायां स्यात्कालमानप्रभेदयोः ॥

12.2.2 · p. 93

अनुष्टुप्

दिशि च स्थानमात्रेऽपि काष्ठमाख्यातमिन्धने ।कुष्ठं रोगे पुष्करे च कुठः स्याद्वृक्षमात्रके ॥

12.2.3 · p. 93

अनुष्टुप्

तत्रैव कुठिरित्युक्तः कुण्ठोऽकर्मण्यमूर्खयोः ।कोष्ठः कुसूले चात्मीये मध्ये कुक्षेर्गृहस्य च ॥

12.2.4 · p. 93

अनुष्टुप्

गोष्ठी सभायां संलापे गोष्ठं गोस्थानके मतम् ।ज्येष्ठा लक्ष्म्यग्रजायां स्याद्गृहगोधर्क्षयोर्मता ॥

12.2.5 · p. 93

अनुष्टुप्

ज्येष्ठो मासविशेषेऽपि श्रेष्ठे वृद्धे च कल्पितः ।निष्ठा निष्पत्तिनाशान्तयाञ्चानिर्वहणेषु च ॥

12.2.6 · p. 93

अनुष्टुप्

प्रष्ठः श्रेष्ठेऽग्रगे चैव स्त्रियां चाण्डालिकौषधौ ।पाठस्तु पठने ख्यातो विद्धकर्ण्यां तु योषिति ॥

12.2.7 · p. 93

अनुष्टुप्

पृष्ठं चरमगात्रेऽपि देहस्यावयवान्तरे ।वण्ठः कुन्तायुधे खर्वेऽप्यकृतोद्वाहपूरुषे ॥

12.2.8 · p. 93

अनुष्टुप्

शठो मध्यस्थपुरुषे तथा धत्तूरधूर्तयोः ।शोठोऽलसे च मूर्खे च श्रेष्ठो वैश्रवणे वरे ॥

12.2.9 · p. 93

अनुष्टुप्

षष्ठी कात्यायनीषष्ठ्योस्तथा षण्णां च पूरणे ।हठः स्यात्प्रसभे प्रश्न्यां हेठो बाधाविहेठयोः ॥

12.2.10 · p. 94

अनुष्टुप्