All kośas › Medinīkośa

नानार्थशब्दकोश or मेदिनीकोश Medinīkośa

मेदिनिकर · Nānārthaśabdakoṣa or Medinīkoṣa by Śrī Medinīkara, Edited with an Introduction, Index etc. · Published by Jaya Krishna Dās Haridās Gupta, The Chowkhambā Sanskrit Series Office, Benares City · 1940 A.D. · Pt. Jagannāth Śāstri Hoshing

2,500 verses · text only, tagging comes next

खान्तवर्गः · खद्विकम्

खद्विकम्

नखी स्त्रीक्लीबयोः शुक्तौ नखरे पुन्नपुंसकम् ।न्युङ्खः सम्यङ् मनोज्ञे च साम्नः षट्प्रणवेषु च ॥ २ ॥

2.2.2 · p. 20

अनुष्टुप्

प्रेङ्खा पर्यटनेऽप्यश्वगतौ संवेशनान्तरे ।मुखं निःसरणे वक्त्रे प्रारम्भोपाययोरपि ॥ ३ ॥

2.2.3 · p. 20

अनुष्टुप्

सन्ध्यन्तरे नाटकादेः शब्देऽपि च नपुंसकम् ।लेखो लेख्ये सुरे लेखा लिपिराजिकयोर्मता ॥ ४ ॥

2.2.4 · p. 20

अनुष्टुप्

रिङ्खाऽश्वगतिभेदेऽपि शूकशिम्ब्यां च नर्तने ।शङ्खः कम्बौ न योषिन्ना भालास्थिनिधिभिन्नखे ॥ ५ ॥

2.2.5 · p. 20

अनुष्टुप्

शाखा पक्षान्तरे बाहौ वेदभागद्रुमाङ्गयोः ।शिखा शाखाबर्हिचूडालाङ्गलिक्यग्रमात्रके ॥ ६ ॥

2.2.6 · p. 20

अनुष्टुप्

चूडामात्रे शिखायां च ज्वालायां प्रपदेऽपि च ।सखा मित्रे सहाये ना वयस्यायां सखी मता ॥ ७ ॥

2.2.7 · p. 20

अनुष्टुप्

सुखं शर्मणि नाके च सुखा पुर्यां प्रचेतसः ।

2.2.7 · p. 20