All kośas › Medinīkośa

नानार्थशब्दकोश or मेदिनीकोश Medinīkośa

मेदिनिकर · Nānārthaśabdakoṣa or Medinīkoṣa by Śrī Medinīkara, Edited with an Introduction, Index etc. · Published by Jaya Krishna Dās Haridās Gupta, The Chowkhambā Sanskrit Series Office, Benares City · 1940 A.D. · Pt. Jagannāth Śāstri Hoshing

2,500 verses · text only, tagging comes next

धान्तवर्गः · धचतुष्कम्

धचतुष्कम्

अवरोधस्तिरोधाने राजदारेषु तद्गृहे ।अवष्टब्धो विदूरे स्यादाक्रान्ते चावलम्बिते ॥ ४० ॥

19.4.40 · p. 81

अनुष्टुप्

अनुबन्धस्तु बन्धे स्याद्दोषोत्पादे विनश्वरे ।मुख्यानुयायिनि शिशौ प्रकृतस्यानुवर्त्तने ॥ ४१ ॥

19.4.41 · p. 81

अनुष्टुप्

अनुबन्धी तु हिक्कायां तृष्णायामपि योषिति ।अनिरुद्ध उषानाथे पुंसि (१)चाबन्धनेऽन्यवत् ॥ ४२ ॥

19.4.42 · p. 82

अनुष्टुप्

आशाबन्धः समाश्वासे पुंसि मर्कटजालके ।इष्टगन्धः सुगन्धौ स्यात् त्रिषु क्लीबं तु बालुके ॥ ४३ ॥

19.4.43 · p. 82

अनुष्टुप्

इक्षुगन्धा कोकिलाक्षे क्रोष्ट्यां काशे च गोक्षुरे ।उपलब्धिर्मितौ प्राप्तावपि ज्ञाने च योषिति ॥ ४४ ॥

19.4.44 · p. 82

अनुष्टुप्

उग्रगन्धाऽजमोदायां वचायां छिक्किकौषधौ ।कालस्कन्धस्तमाले स्यात्तिन्दुके जीवकद्रुमे ॥ ४५ ॥

19.4.45 · p. 82

अनुष्टुप्

तीक्ष्णगन्धा वचाराजिकयोः शोभाञ्जने पुमान् ।तृणगोधा चित्रकोले कृकलासेऽपि योषिति ॥ ४६ ॥

19.4.46 · p. 82

अनुष्टुप्

पारिव्याधस्तु पुंसि स्याद्वेतसे च द्रुमोत्पले ।ब्रह्मबन्धुरधिक्षिप्ते निर्देशे ब्राह्मणस्य ना ॥ ४७ ॥

19.4.47 · p. 82

अनुष्टुप्

महौषधं तु शुण्ठ्यां स्याद्विषायां लशुनेऽपि च ।समुन्नद्धः समुद्भूते पण्डितम्मन्यगर्विते ॥ ४८ ॥

19.4.48 · p. 82

अनुष्टुप्