All kośas › Medinīkośa

नानार्थशब्दकोश or मेदिनीकोश Medinīkośa

मेदिनिकर · Nānārthaśabdakoṣa or Medinīkoṣa by Śrī Medinīkara, Edited with an Introduction, Index etc. · Published by Jaya Krishna Dās Haridās Gupta, The Chowkhambā Sanskrit Series Office, Benares City · 1940 A.D. · Pt. Jagannāth Śāstri Hoshing

2,500 verses · text only, tagging comes next

शान्तवर्गः · शचतुष्कम्

शचतुष्कम्

अपदेशः पुमान् लक्ष्ये निमित्तव्याजयोरपि ।अपभ्रंशस्तु पतने भाषाभेदापशब्दयोः ॥ ३१ ॥

30.4.31 · p. 164

अनुष्टुप्

आश्रयाशः पुमान् वह्नौ त्रिषु चाश्रयनाशके ।उपस्पर्शः स्पर्शमात्रे स्नानाचमनयोरपि ॥ ३२ ॥

30.4.32 · p. 164

अनुष्टुप्

उपदंशो विदंशे च मेढ्ररोगान्तरेऽपि च ।क्रूरदृक् पिशुने वाच्यलिङ्गः पुंसि शनैश्चरे ॥ ३३ ॥

30.4.33 · p. 165

अनुष्टुप्

खण्डपर्शुः पर्शुरामे शङ्करे चूर्णलेपिनि ।खण्डामलकभैषज्ये सिंहिकातनयेऽपि ना ॥ ३४ ॥

30.4.34 · p. 165

अनुष्टुप्

जीवितेशो यमे पुंसि त्रिषु स्याज्जीवितेश्वरे ।नागपाशः पुमान् स्त्रीणां करणे वरुणायुधे ॥ ३५ ॥

30.4.35 · p. 165

अनुष्टुप्

पञ्चदशी त्वमावास्यापौर्णमास्योश्च योषिति ।प्रतिस्पर्शः सहाये स्याद् वार्त्ताहरपुरोगयोः ॥ ३६ ॥

30.4.36 · p. 165

अनुष्टुप्metre not read in every linenearly अनुष्टुप्: pāda 1, syllable 3 द (wrong syllable)

परिवेशो वेष्टने स्यात् परिधावपि पुंस्ययम् ।पादपाशी खड्डुकायां शृङ्खलायामपि स्त्रियाम् ॥ ३७ ॥

30.4.37 · p. 165

अनुष्टुप्

पुरोडाशो हविर्भेदे चमस्यां पिष्टकस्य च ।हुतशेषे च भूमिस्पृक् पुंसि मानुषवैश्ययोः ॥ ३८ ॥

30.4.38 · p. 165

अनुष्टुप्