All kośas › Medinīkośa

नानार्थशब्दकोश or मेदिनीकोश Medinīkośa

मेदिनिकर · Nānārthaśabdakoṣa or Medinīkoṣa by Śrī Medinīkara, Edited with an Introduction, Index etc. · Published by Jaya Krishna Dās Haridās Gupta, The Chowkhambā Sanskrit Series Office, Benares City · 1940 A.D. · Pt. Jagannāth Śāstri Hoshing

2,500 verses · text only, tagging comes next

टान्तवर्गः · टचतुष्कम्

टचतुष्कम्

उच्चिङ्गटस्तृणगडमत्स्ये(२) कोपनपूरुषे ।करहाटः शिफाकन्दे पद्मस्य मदनद्रुमे ॥ ५७ ॥

11.4.57 · p. 37

अनुष्टुप्

स्यात् कार्यपुटः कृपणोन्मत्तानर्थकरेषु च ।कामकूटस्तु वेश्यायाः प्रियविभ्रमयोः पुमान् ॥ ५८ ॥

11.4.58 · p. 37

अनुष्टुप्metre not read in every linenearly अनुष्टुप्: pāda 1, syllable 4 पु (wrong syllable)

कुटन्नटं तु कैवर्ते मुस्तके पुंसि शोणके ।कुण्डकीटस्तु चार्वाकवचनाभिज्ञपूरुषे ॥ ५९ ॥

11.4.59 · p. 38

अनुष्टुप्

पतितब्राह्मणीपुत्रदासीकामुकयोरपि ।खड्गारीटस्तु फलकासिधाराव्रतधारिणोः ॥ ६० ॥

11.4.60 · p. 38

अनुष्टुप्

गाढमुष्टिः कृपाणे ना कृपणे त्वभिधेयवत् ।चक्रवाटः क्रियारोहे पर्य्यन्ते च शिखातरौ ॥ ६१ ॥

11.4.61 · p. 38

अनुष्टुप्

चतुःषष्टिः कलासंख्याभेदयोर्बह्वृचि स्त्रियाम् ।नारकीटोऽश्मकीटे स्यात् स्वदत्ताशाविहन्तरि ॥ ६२ ॥

11.4.62 · p. 38

अनुष्टुप्

परपुष्टः परभृते वानरार्यां तु योषिति ।प्रतिकृष्टं मतं गुह्ये द्विरावृत्त्या च कर्षिते ॥ ६३ ॥

11.4.63 · p. 38

अनुष्टुप्

प्रतिसृष्टः प्रेषिते स्यात् प्रत्याख्याते च वाच्यवत् ।वर्कराटः कटाक्षे स्यात्तरुणादित्यरोचिषि ॥ ६४ ॥

11.4.64 · p. 38

अनुष्टुप्

नारीपयोधरोत्सङ्गकान्तदत्तनखक्षते ।शिपिविष्टस्तु खलतौ शिवे दुश्चर्मणि स्मृतः ॥ ६५ ॥

11.4.65 · p. 38

अनुष्टुप्

अथ श्रुतिकटः प्राञ्चल्लोहेऽहौ पापशोधने ।

11.4.10 · p. 38