All kośas › Kalpadrukośa
कल्पद्रुकोशः Kalpadrukośa
4,306 verses · 27,819 words tagged · 4,643 marked doubtful (dashed)
भूमिस्कन्धः · वनौषधिप्रकाण्डः (5/6)
नीलिनी नीलपुष्पी च श्राफलाग्न्येलमोचिका ।कृष्णला रजनी भद्रा भारवाही महाबला ॥ ४८१ ॥
1.11.481 · p. 302
अनुष्टुप्
क्लीतनी चारटी श्यामा गन्धात्पुष्पा च पुष्यपि ।स्थिररङ्गाञ्जनकोशी राजनील्यपरा पुनः ॥ ४८२ ॥
1.11.482 · p. 303
अनुष्टुप्metre not read in every linenearly अनुष्टुप्: pāda 1, syllable 6 न (wrong syllable)
केशार्ही श्रीफली तुत्था महानीली खरच्छदा ।गोजिह्वाऽधोमुखात्पुष्पी भूतोत्मादहरीत्यथ ॥ ४८३ ॥
1.11.483 · p. 303
अनुष्टुप्
अपामार्गः शैखरिकः काण्डकण्ठो मयूरकः ।करमण्डलिको झण्टश्चमत्कारश्च कण्टकी ॥ ४८४ ॥
1.11.484 · p. 303
अनुष्टुप्
खरमञ्जर्यधःशल्यः किणही पङ्क्तिकण्टकः ।प्रत्यक्पुष्पो दुर्ग्रहः स्यात्कुब्जो मर्कटपिप्पली ॥ ४८५ ॥
1.11.485 · p. 303
अनुष्टुप्
धामार्गवोऽपि क्षवको मालाकण्टोऽपि मर्कटी ।रक्ते तत्राघट्टकः स्यात् क्षुद्रापामार्ग इत्यपि ॥ ४८६ ॥
1.11.486 · p. 303
अनुष्टुप्
रक्तबिन्दुर्दुग्धिनिका स्वल्पपत्राऽथ भद्रिका ।बला समङ्गौदनिका मोटा भद्रौदनीति च ॥ ४८७ ॥
1.11.487 · p. 303
अनुष्टुप्metre not read in every linenearly अनुष्टुप्: pāda 1, syllable 5 र्दु (wrong syllable)
कल्याणिनी भद्रबला पाटी चाथ महाबला ।पृक्का रुहा व्यालजिह्वा बल्या शीता बला च सा ॥ ४८८ ॥
1.11.488 · p. 303
अनुष्टुप्
स्यान्महाज्येष्ठदेवेभ्यो बला मृगरसा मृगा ।सहदेवी पीतपुष्पी देवार्हा गन्धवल्लरी ॥ ४८९ ॥
1.11.489 · p. 303
अनुष्टुप्
कण्टभरा केशरुहा वर्षपुष्पा मृगादिनी ।स्यात्कोशवर्द्धिनी चाथ शीता तु वृष्यगन्धिनी ॥ ४९० ॥
1.11.490 · p. 303
metre not recognisednearly अनुष्टुप्: pāda 1, syllable 2 ण्ट (wrong syllable); pāda 4, syllable 3 तु (wrong syllable)
शीतपुष्पाऽथ खर्वा स्यात्खरगन्धा चतुःफला ।भद्रादनी विश्वदेवा देवदण्डा गवेधुका ॥ ४९१ ॥
1.11.491 · p. 304
अनुष्टुप्
घाटा नागबलाऽभीष्टा महतः स्युः परा इमाः ।शाखा पत्रा फला गन्धा महाराष्ट्री तु शारदी ॥ ४९२ ॥
1.11.492 · p. 304
अनुष्टुप्
मत्स्यादनी मत्स्यगन्धा प्राणदा तोयवल्लरी ।अग्निज्वाला चित्रपत्री लाङ्गली जलपिप्पली ॥ ४९३ ॥
1.11.493 · p. 304
अनुष्टुप्
वाराहकर्णी तुरगी कञ्चुकाऽश्वावरोहिका ।अश्वगन्धाऽथ वनजा गन्धपत्री हयप्रिया ॥ ४९४ ॥
1.11.494 · p. 304
अनुष्टुप्
वाजिनी पुष्टिदा पुष्टा श्यामला कामरूपिणी ।पलाशपर्णी बलदा वातघ्नी धीवरापि च ॥ ४९५ ॥
1.11.495 · p. 304
अनुष्टुप्
कालप्रियकरी वन्या वराहपत्रिका च सा ।हपुषा विपुषा विस्रा विगन्धाऽथापराजिता ॥ ४९६ ॥
1.11.496 · p. 304
अनुष्टुप्metre not read in every linenearly अनुष्टुप्: pāda 2, syllable 3 ह (wrong syllable)
कच्छूप्लीहविषध्वाङ्क्षनाशिनी स्वल्पतः फला ।शतावरी शतपदी पीवरी दीवरी वरी ॥ ४९७ ॥
1.11.497 · p. 304
अनुष्टुप्
वृष्या दिव्या द्वीपिशत्रुर्द्वीपिका वरकण्टकी ।नारायणी सूक्ष्मपत्रा शतह्वा सुरसापि च ॥ ४९८ ॥
1.11.498 · p. 304
अनुष्टुप्
महाशतसहस्रेभ्यः सोश्च वीर्योर्ध्वकण्टका ।फणिज्जिका स्वादुरसा सुपत्राऽथैलवालुकम् ॥ ४९९ ॥
1.11.499 · p. 305
अनुष्टुप्
हरिवालुकमेलाह्वं मालुकं वालुकं दृढम् ।एल्वालुकं कपित्थं च दुर्वर्णं प्रसरं पुनः ॥ ५०० ॥
1.11.500 · p. 305
अनुष्टुप्
सुगन्धकं शुल्वगन्धि स्यादेलागन्धमित्यथ ।कलिकाली लाङ्गलिनी हलिनी गर्भपातिनी ॥ ५०१ ॥
1.11.501 · p. 305
metre not recognisednearly अनुष्टुप्: pāda 3, syllable 5 ला (wrong syllable)
दीप्ता विशल्याग्निमुखी हली नक्तेन्दुपुष्पिका ।स्याद्द्वयोस्तेरणस्तेरः कुनीली रागदोऽप्यथ ॥ ५०२ ॥
1.11.502 · p. 305
अनुष्टुप्
जया जयन्ती हरिता विक्रान्ता विजया बला ।माटा पराजिता सूक्ष्ममूला स्यादथ सुन्दरी ॥ ५०३ ॥
1.11.503 · p. 305
अनुष्टुप्
काकमाची सर्वतिक्ता बहुकट्गुच्छतः फला ।रसायनी काकमाता स्वादुपाका विराविणी ॥ ५०४ ॥
1.11.504 · p. 305
अनुष्टुप्
बरा कुष्ठघ्नी मत्स्याक्षा स्याच्छ्रवन्ती तु मूषिका ।न्यग्रोधी च श्रुतश्रेणी चित्रा मूषकमार्यपि ॥ ५०५ ॥
1.11.505 · p. 305
अनुष्टुप्metre not read in every linenearly अनुष्टुप्: pāda 1, syllable 5 घ्नी (wrong syllable)
प्रत्यक्श्रेणी शंवरी स्यादानन्दा विजया जया ।वीरपुत्राऽथ भृङ्गाह्वो मार्कवः केशरञ्जनः ॥ ५०६ ॥
1.11.506 · p. 305
अनुष्टुप्
पितृप्रियो भृङ्गराजोऽङ्गारकः केशवर्द्धनः ।अन्यो नीलो नीलपुष्पः श्यामलश्चाथ लोमशः ॥ ५०७ ॥
1.11.507 · p. 306
अनुष्टुप्
काकजङ्घा नदीकान्ता दासी काकाह्वया पुनः ।पारावतपदी चाथ चञ्चुश्चञ्चूश्च विंजुला ॥ ५०८ ॥
1.11.508 · p. 306
अनुष्टुप्
चित्रपुत्री च कलभी सुशाखः क्षेत्रसम्भवः ।चंचुरश्चंचुपत्रोऽथ विषारिर्दीर्घपत्रिका ॥ ५०९ ॥
1.11.509 · p. 306
अनुष्टुप्
दिव्यगन्धा महासुभ्यां बृहतश्चंचुरित्यथ ।त्वक्सारभेदिनी क्षुद्रचंचुः शुनकचञ्चुका ॥ ५१० ॥
1.11.510 · p. 306
अनुष्टुप्
सिन्दुवारः श्वेतपुष्पः सिन्दूकः स्थिरसाधनः ।स्त्रीपुंसोः सुरसो नेता सिद्धोन्या नीलसिन्दुका ॥ ५११ ॥
1.11.511 · p. 306
अनुष्टुप्
सिन्दुकच्छपिका भूतकेशी द्रोणी च नीलिका ।निर्गुण्डिरपि निर्गुण्डी द्रोणी ना सिन्दुवारितः ॥ ५१२ ॥
1.11.512 · p. 306
अनुष्टुप्
शिफालिकाऽपि शुक्लाङ्गी सुवहा चापराजिता ।वातारिर्विजया भूतकेशस्य क्षेत्रसम्भवः ॥ ५१३ ॥
1.11.513 · p. 306
अनुष्टुप्
द्वयोर्भिण्डश्चतुष्पत्र आम्लपत्रश्चतुष्पदः ।करपर्णो वृत्तबीजः शुशाखश्चाथ पुत्रदा ॥ ५१४ ॥
1.11.514 · p. 306
अनुष्टुप्
गर्भदात्री प्राणिमाता तक्राह्वा तक्रभक्षका ।पञ्चाङ्गलाशिकाभा स्यात्स्वर्णुली हेमपुष्पिका ॥ ५१५ ॥
1.11.515 · p. 306
अनुष्टुप्
अब्दमाता खस्खसस्तु सुबीजः सूक्ष्मतण्डुलः ।सूक्ष्मबीजोऽथ मतिदा बल्या पङ्गुल्यहारिणी ॥ ५१६ ॥
1.11.516 · p. 307
अनुष्टुप्
दृषत्पत्री गुच्छपुष्पी शिग्रुड्यथ वनोद्भवः ।कुसुम्भो वह्निसंभूतस्त्रिष्वाहुल्योऽर्वुदश्च सः ॥ ५१७ ॥
1.11.517 · p. 307
अनुष्टुप्
शिम्बीफलो दन्तकाष्ठो नृपमाङ्गल्यकः पुनः ।शरत्पुष्पस्तरवटो हलराख्यः सुपुष्पकः ॥ ५१८ ॥
1.11.518 · p. 307
अनुष्टुप्
भूम्याहुल्यां कुष्ठका स्यान्मार्कण्डीयं महौषधम् ।कासमर्दोऽरिमर्दः स्यात्कालः कनक इत्यथ ॥ ५१९ ॥
1.11.519 · p. 307
अनुष्टुप्
सुपत्रो रक्तविटपः कुष्ठारिः स्याद्रविप्रियः ।आदित्यपत्रांशुपतिरथ पिञ्छोलिपिण्डिके ॥ ५२० ॥
1.11.520 · p. 307
अनुष्टुप्
श्वेताम्लिकाथ नीलाम्ली श्यामाम्ली दीर्घशाखिका ।नीलपिंछोलिका ब्राह्मी सैव पूतिमयूरिका ॥ ५२१ ॥
1.11.521 · p. 307
अनुष्टुप्
अग्रब्रह्माजविभ्यः स्याद्गन्धापि खरपुष्पिका ।अर्कभक्ता तु वरदा सूर्यकान्ता सुवर्चला ॥ ५२२ ॥
1.11.522 · p. 307
अनुष्टुप्
मण्डूकपर्णी मण्डूकी विक्रान्ता सुरसम्भवा ।सौरीसुतेजार्कहिता डोडिर्डेडी क्षुपात्पुनः ॥ ५२३ ॥
1.11.523 · p. 307
अनुष्टुप्
विषकेशरणेभ्यः सोर्मुष्टिरन्या तु जीवनी ।शाकश्रेष्ठा दीर्घपत्रा सूक्ष्मपत्रा सुकालुका ॥ ५२४ ॥
1.11.524 · p. 307
अनुष्टुप्
जीवन्ती बहुवल्ली स्यादथ नीलसिताञ्जनी ।अञ्जनी रेचनी काली कृष्णाभाऽप्यथ सारिणी ॥ ५२५ ॥
1.11.525 · p. 308
अनुष्टुप्
कर्पासी वदरी वर्च्या समुद्रान्ता मरूद्भवा ।तुला पिचुर्गुडोऽपि स्याद्वादरस्तुण्डकेरिका ॥ ५२६ ॥
1.11.526 · p. 308
अनुष्टुप्
वनजाऽरण्यकार्पासी भारद्वाज्यथ शृङ्खली ।वज्रास्थिशृङ्खला वज्रकण्टकः कोकिलाक्षकः ॥ ५२७ ॥
1.11.527 · p. 308
अनुष्टुप्
इक्षुरिक्षुरको वज्रपिच्छिला कापिशेक्षणः ।इक्षुगन्धा सप्तला स्यात्फेनादीप्ता विषाणिका ॥ ५२८ ॥
1.11.528 · p. 308
अनुष्टुप्
स्वर्णपुष्पी पत्रघना बहुफेनाऽपि सारिवा ।विमला बिन्दुला कामवृद्धिस्तु मदनायुधः ॥ ५२९ ॥
1.11.529 · p. 308
अनुष्टुप्metre not read in every linenearly अनुष्टुप्: pāda 1, syllable 5 प (wrong syllable)
जीवो जितेन्द्रियः कामी दद्रुघ्नस्तु प्रपुन्नटः ।चक्रमर्दः प्रपुन्नाटः पुन्नाटः शुकनासिकः ॥ ५३० ॥
1.11.530 · p. 308
अनुष्टुप्
दृढबीजस्तरवटः खर्जूघ्नोऽण्डगजश्च सः ।स्यामेघगजचक्राणां नामा चक्रगजः पुनः ॥ ५३१ ॥
1.11.531 · p. 308
अनुष्टुप्
व्यावर्तकश्चैडगजो झिञ्झिरीटा तु झिञ्झिरा ।पीतपुष्पा कण्टफला वृत्ताश्रयफला च सा ॥ ५३२ ॥
1.11.532 · p. 308
अनुष्टुप्metre not read in every linenearly अनुष्टुप्: pāda 1, syllable 5 क (wrong syllable)
हुडरोमाऽप्यथ क्षुद्रक्षुपास्तत्राथ पर्पटः ।तृष्णारिश्चरको रेणुः कल्पाङ्गो वरकोरकः ॥ ५३३ ॥
1.11.533 · p. 309
अनुष्टुप्
शीतः शीतप्रियः पांशुः सुतिक्तो बहुकण्टकः ।कृशशाखो रक्तपुष्पः पित्तारिः कवचः पुनः ॥ ५३४ ॥
1.11.534 · p. 309
अनुष्टुप्
जीवको जीवनो जीव्यः शृङ्गाख्यः प्राणदः प्रियः ।चिरञ्जीवी च मधुरो मङ्गल्यः कूर्चशीर्षकः ॥ ५३५ ॥
1.11.535 · p. 309
अनुष्टुप्
ह्रस्वाङ्गो जीवदो वृद्धिप्रदो धीरस्तु दुर्द्धरः ।गोपर्यायपतिः कामी गोरक्षो गोपतिश्च सः ॥ ५३६ ॥
1.11.536 · p. 309
अनुष्टुप्
ऋक्षः प्रियोऽथ श्रमणा भिक्षुः श्रवणशीर्षकः ।शुण्डिनी श्रावणी चाथ महामुण्डी तु लोचनी ॥ ५३७ ॥
1.11.537 · p. 309
अनुष्टुप्
कदम्बपुष्पा विकचा क्रोडघोरा पलंकषः ।स्यान्महाश्रावणी मुण्डा भूनदीभ्यां कदम्बका ॥ ५३८ ॥
1.11.538 · p. 309
अनुष्टुप्
मुण्डा छिन्ना ग्रन्थिनिका माता लोभन्यलंबुषा ।स्थविराऽथ मणिच्छिद्रा शल्यपर्ण्यपि जीवनी ॥ ५३९ ॥
1.11.539 · p. 309
अनुष्टुप्
मेदावती मेदसारा मेदिनी मधुरा वरा ।स्निग्धा मेदोद्भवा साध्वी शल्यदा बहुरन्धिका ॥ ५४० ॥
1.11.540 · p. 309
अनुष्टुप्
जीवनी तु महामेदा देवेष्टा पांशुरागिणी ।वसुच्छिद्रा देवगन्धा दिव्या देवमणिश्च सा ॥ ५४१ ॥
1.11.541 · p. 309
अनुष्टुप्
सुरमेदा महाच्छिद्रा वृद्धार्हाऽप्यथ बुद्धिदा ।सिद्धा योग्या जीवदात्री लोककान्ता रथाङ्ग्यपि ॥ ५४२ ॥
1.11.542 · p. 310
अनुष्टुप्
जीवश्रेष्ठा यशस्या स्त्री चेतनीया सुखं च मुत् ।संपञ्जनेष्टा भूत्यर्था भूतिश्चापि प्रसारिणी ॥ ५४३ ॥
1.11.543 · p. 310
अनुष्टुप्
नारुपर्णी राजबला सारिणी प्रसरा सरा ।प्रतानकी भद्रपर्णी स्याद्बल्या राजपर्ण्यथ ॥ ५४४ ॥
1.11.544 · p. 310
metre not recognisednearly अनुष्टुप्: pāda 1, syllable 5 रा (wrong syllable)
धूम्रपत्रा तु धूम्राह्वा सुलभा गृध्रपत्रका ।द्वयोः पाषाणभेदः स्यात् श्वेतः शैलसमुद्भवः ॥ ५४५ ॥
1.11.545 · p. 310
अनुष्टुप्
इरावती तु खट्वाङ्गा गोधा गोधावतीत्यथ ।श्वेतान्या सा शिलाचक्रा शिलात्वक् सप्तनासिका ॥ ५४६ ॥
1.11.546 · p. 310
अनुष्टुप्
शिलाजा वल्कलाभाऽथ क्षुद्रपाषाणभेदकः ।रश्मिकेतुश्चतुःपत्री पार्वती कन्दरोद्भवा ॥ ५४७ ॥
1.11.547 · p. 310
अनुष्टुप्
नागभूरथ भृङ्गेष्टा गृहकन्या स्थलेरुहा ।कुमार्यर्था दीर्घपत्रा बहुपत्राऽमराऽजरा ॥ ५४८ ॥
1.11.548 · p. 310
अनुष्टुप्
कण्टकप्रावृता वीरा ब्रह्मघ्नी विपुला श्रवा ।कपिला तरुणी रामा मृद्वी स्यादम्बुधिस्रवा ॥ ५४९ ॥
1.11.549 · p. 310
अनुष्टुप्
बर्हिचूडा तु शिखिनी शिखालुः सुशिखाऽप्यथ ।क्षीरिणी काञ्चनक्षीरी कर्षिणी पटुपर्ण्यपि ॥ ५५० ॥
1.11.550 · p. 310
अनुष्टुप्
दुग्धा हैमवती हैमी हेमदुग्धा हिमावती ।हिमाद्रिजा यवोद्भूता स्वर्णक्षीरी तु रुक्मिणी ॥ ५५१ ॥
1.11.551 · p. 311
अनुष्टुप्
स्वर्गाह्वाथ त्रायमाणा कृतत्राणापि पालिनी ।मङ्गल्यार्हा देवबला त्रायन्ती वार्षिकी च सा ॥ ५५२ ॥
1.11.552 · p. 311
अनुष्टुप्
सुकामा बलभद्राथ स्रवत्तोयाऽमृतस्रवा ।रामाम्बिका महास्तम्बी रुदन्ती शणपत्रिका ॥ ५५३ ॥
1.11.553 · p. 311
अनुष्टुप्
संजीविन्यथ मत्स्याक्षी सौम्या ब्राह्मी सुवर्चला ।महौषधी सुरश्रेष्ठा सुरेष्टा सुरसा पुनः ॥ ५५४ ॥
1.11.554 · p. 311
अनुष्टुप्
मण्डूकजननी मेध्या वीरा दिव्याऽपरा च सा ।सूक्ष्मपत्रा लघुब्राह्मी जलजाऽप्यथ कामिनी ॥ ५५५ ॥
1.11.555 · p. 311
अनुष्टुप्
शिखरी पादपरुहा द्रुपदी गन्धमादिनी ।वृक्षादनी केशरूपा श्यामा स्त्रीपुंसयोः पुनः ॥ ५५६ ॥
1.11.556 · p. 311
अनुष्टुप्
वन्दाकः कामवृक्षोऽथ कुलत्था दृक्प्रसादनी ।कुताली लोचनहिता सैवारण्यकुलत्थिका ॥ ५५७ ॥
1.11.557 · p. 311
अनुष्टुप्
तण्डुलीयस्तु भण्डीरो बहुवीर्यो घनस्वनः ।सुशाको ग्रन्थिलश्चाथ क्षुद्रघोली खरच्छदा ॥ ५५८ ॥
1.11.558 · p. 311
अनुष्टुप्
विवल्लिका रक्तदला शुण्डी तु हस्तिशुण्डिका ।धूसर्यथ पयस्या तु क्षीरिणी जलकामुका ॥ ५५९ ॥
1.11.559 · p. 312
अनुष्टुप्metre not read in every linenearly अनुष्टुप्: pāda 2, syllable 3 तु (wrong syllable)
कुटुम्बिनी वक्रशल्या दुराधर्षा जलेरुहा ।बिरौटी शीतला चाथ चारिटी स्थलपद्मिनी ॥ ५६० ॥
1.11.560 · p. 312
अनुष्टुप्
सुगन्धमूलाम्बुरुहा पुष्करा पद्मचारिणी ।लक्ष्मीः प्रेष्ठा पद्मवती रम्या स्थलरुहा पुनः ॥ ५६१ ॥
1.11.561 · p. 312
अनुष्टुप्
सुपुष्करा चातिचरा रक्तपुष्पा तु जाम्बती ।जम्बूर्जाम्बवती वृक्का दुर्द्धर्षा दुःसहा च सा ॥ ५६२ ॥
1.11.562 · p. 312
अनुष्टुप्
मलघ्नी नागदमनी नागिनी तु विशोधिनी ।नागस्फोता विशालाक्षी नागच्छत्रा विचक्षणा ॥ ५६३ ॥
1.11.563 · p. 312
अनुष्टुप्
श्वेतात्सर्पमधुभ्यश्च पुष्पा स्याच्छलदन्तिका ।नागदन्ती स्वादुकाऽथ विष्णुक्रान्ताऽपराजिता ॥ ५६४ ॥
1.11.564 · p. 312
अनुष्टुप्
नीलक्रान्ता नीलपुष्पा विक्रान्ताप्यथ पुंस्ययम् ।कुणंजरः कुणंजीवः कुणंज्योऽरण्यवास्तुकः ॥ ५६५ ॥
1.11.565 · p. 312
अनुष्टुप्
अथ ताल्युच्चटा वृष्या विषघ्नी बहुपत्रिका ।बहुवीर्याहिभयदाऽजरा भूम्यामली पुनः ॥ ५६६ ॥
1.11.566 · p. 312
अनुष्टुप्
वितुन्ना चारटी वीरा दृढपादी हिमालया ।विश्वपर्ण्यथ गोरक्षी पञ्चपर्णी विचित्रला ॥ ५६७ ॥
1.11.567 · p. 313
अनुष्टुप्
(सा) स्यात्सुदीर्घसर्पेभ्यो दण्डी गन्धाधिकाऽप्यथ ।प्रसारिणी क्रोष्टुपुच्छी गोलोमीजा च धूमिका ॥ ५६८ ॥
1.11.568 · p. 313
metre not recognisednearly अनुष्टुप्
दुग्धपेजी पयःफेनी फेनदुग्धा पयस्विनी ।भूतारी प्राणकेतुघ्नी गोजापर्ण्यथ चुक्रिका ॥ ५६९ ॥
1.11.569 · p. 313
अनुष्टुप्
चुकाम्लिका च चाङ्गेरी शाखाम्लाऽप्यम्लपत्रिका ।शमीपत्रा रक्तपादी स्पृक्का खदिरपुत्र्यपि ॥ ५७० ॥
1.11.570 · p. 313
अनुष्टुप्
संकोचनी नमस्कारी समङ्गा च प्रसारिणी ।स्पर्शलज्जाऽपि लज्जालुः स्याल्लज्जा लज्जरीत्यपि ॥ ५७१ ॥
1.11.571 · p. 313
अनुष्टुप्
गण्डमाला सप्तपर्णी कन्दर्यञ्जलिकारिका ।स्यादस्रशोधिनी चापि स्वगुप्ताऽथ बृहद्दला ॥ ५७२ ॥
1.11.572 · p. 313
अनुष्टुप्
अल्पक्षुपाऽन्याऽप्यपरा त्रिपर्णी हंसपादिका ।संचारिणी च पदिका प्रह्लादी कीलपादिका ॥ ५७३ ॥
1.11.573 · p. 313
अनुष्टुप्
गोधापदी हयार्थात्तु कातराथ पुनर्नवा ।स्त्रियां पुंसि कठिल्लः स्याद्विशाखः शिखिवाटिका ॥ ५७४ ॥
1.11.574 · p. 313
अनुष्टुप्
दीर्घपत्रा च वर्षाभूः पृथ्वी रक्ताऽपरा पुनः ।वर्षाभूः पत्रिका काण्डा रक्तान्मण्डलपत्रिका ॥ ५७५ ॥
1.11.575 · p. 313
अनुष्टुप्
वैशाख्यथ च नीलाऽन्या शैवस्तु शिवशेखरः ।शिवमल्ली शिवतमः सुरेष्टो वसुकः पुनः ॥ ५७६ ॥
1.11.576 · p. 314
अनुष्टुप्
अपि पाशुपतश्चाथ व्यालीपर्यायवाचिका ।वृश्चिका त्वलिपत्री स्यान्नखपर्णी च पिच्छिला ॥ ५७७ ॥
1.11.577 · p. 314
अनुष्टुप्
ताली कुम्भा पाटली स्याद्ध्रुवः स्याद्रक्तपुष्पिका ।स्यात्पाण्डुरफली पाण्डुर्धूसरा वृत्तबीजका ॥ ५७८ ॥
1.11.578 · p. 314
अनुष्टुप्
श्वेता तुम्बुरिकापत्री पर्वमूलाऽप्यविप्रिया ।अजदण्डी ब्रह्मदण्डी कण्टपत्रफलाऽप्यथ ॥ ५७९ ॥
1.11.579 · p. 314
अनुष्टुप्
द्रवन्ती शम्बरी चित्रा न्यग्रोधी शणमूलिका ।प्रत्यक्श्रेणी विषा चण्डा पुत्रश्रेण्याखुपर्ण्यपि ॥ ५८० ॥
1.11.580 · p. 314
अनुष्टुप्
प्रतिपर्णशिफा चापि सहस्रादपि मूलिका ।द्रोणपुष्पी दीर्घदला कुम्भयोनिः कुरुम्बिका ॥ ५८१ ॥
1.11.581 · p. 314
अनुष्टुप्metre not read in every linenearly अनुष्टुप्: pāda 1, syllable 5 दी (wrong syllable)
चित्रक्षुपः सुपुष्पा स्यात्सैवोक्ता चित्रपत्रिका ।अथाप्यन्या महाद्रोणा देवी देवकुरुम्बका ॥ ५८२ ॥
1.11.582 · p. 314
अनुष्टुप्
दिव्यपुष्पी च काञ्जिः स्यादथ हुण्डुः पुमान्स्त्रियाम् ।गोरक्षदुग्धा गोरक्षी ताम्रदुग्धा रसायनी ॥ ५८३ ॥
1.11.583 · p. 314
अनुष्टुप्
अपि स्याद्बहुपत्री च मृतसंजीवनी शुनी ।इक्षुर्मधुगुडतृणोऽसिपत्रः कुसुमाकरः ॥ ५८४ ॥
1.11.584 · p. 314
अनुष्टुप्metre not read in every linenearly अनुष्टुप्: pāda 1, syllable 4 धु (wrong syllable)
वृष्यो वंशोऽपि कान्तारः स च पञ्चविधः सितः ।कठिनश्वेतकाष्ठेभ्य इक्षुः काण्डाच्च पत्रकः ॥ ५८५ ॥
1.11.585 · p. 315
अनुष्टुप्
स्याद्दीर्घवंशसूत्रीभ्यो नीलपेरुश्च पुण्ड्रके ।इक्षुवाही रसालः स्यादिक्षुवार्द्धिरथापरः ॥ ५८६ ॥
1.11.586 · p. 315
अनुष्टुप्
करङ्केक्षुरिक्षुयोनी रसालो रसदायकः ।कोकिलेक्षुस्तु कृष्णेक्षुरिक्षुरोऽप्यथ रक्तके ॥ ५८७ ॥
1.11.587 · p. 315
अनुष्टुप्metre not read in every linenearly अनुष्टुप्: pāda 1, syllable 4 क्षु (wrong syllable)
शतपरुः सूक्ष्मपत्र उत्कटा मधुरा द्वयोः ।ह्रस्वमूलाऽथ तन्मूले मोरटश्चेक्षुलोचनम् ॥ ५८८ ॥
1.11.588 · p. 315
अनुष्टुप्metre not read in every linenearly अनुष्टुप्: pāda 1, syllable 3 प (wrong syllable)
अथ चैता महौषध्यः सर्वा एव रसायनाः ।मण्डलैः कपिलैश्चित्रा सर्पाभा पञ्चवर्णिनी ॥ ५८९ ॥
1.11.589 · p. 315
अनुष्टुप्
पञ्चरत्निप्रमाणा तु विज्ञेयाऽजगरी बुधैः ।निष्पत्रा कनकाभासा मूले द्व्यङ्गुलसम्मिता ॥ ५९० ॥
1.11.590 · p. 315
अनुष्टुप्
स्वल्पाकारा लोहिताङ्गा श्वेतकापोतिकोच्यते ।द्विपर्णिनीमूलभवामरुणां कृष्णपिङ्गलाम् ॥ ५९१ ॥
1.11.591 · p. 315
अनुष्टुप्
द्विरत्निमात्रां जानीयाद्गोनसीं गोनसाकृतिम् ।सक्षारां रोमशां मृद्वी रसेनेक्षुरसोपमाम् ॥ ५९२ ॥
1.11.592 · p. 315
अनुष्टुप्
एवंरूपरसां चापि कृष्णकापोतिमादिशेत् ।कृष्णसर्पस्य रूपेण वाराही कन्दसम्भवाम् ॥ ५९३ ॥
1.11.593 · p. 315
अनुष्टुप्
एकपर्णां महावीर्यां भिन्नाञ्जनचयोपमाम् ।छत्रातिच्छत्रके विद्याद्रक्षोघ्ने कन्दसम्भवे ॥ ५९४ ॥
1.11.594 · p. 316
अनुष्टुप्
जरामृत्युनिवारिण्यौ श्वेतकापोतिसम्भवे ।कान्तैर्द्वादशभिः पत्रैर्मयूराङ्गरुहोपमैः ॥ ५९५ ॥
1.11.595 · p. 316
अनुष्टुप्
कन्दजा काञ्चनक्षीरी कन्या नाम महौषधिः ।करेणुः सुबहुक्षीरा कन्देन गजरूपिणी ॥ ५९६ ॥
1.11.596 · p. 316
अनुष्टुप्
हस्तिकर्णपलाशस्य तुल्यपर्णा द्विपर्णिनी ।अजास्तनाभकन्दा तु सक्षीरा क्षुपरूपिणी ॥ ५९७ ॥
1.11.597 · p. 316
अनुष्टुप्
अजा महौषधी ज्ञेया शंखकुन्देन्दुपाण्डरा ।विचित्रकुसुमां श्वेतां काकादन्या समक्षुपाम् ॥ ५९८ ॥
1.11.598 · p. 316
अनुष्टुप्
तक्रकामोषधां विद्याज्जरामृत्युविनाशिनीम् ।शूलिभिः पञ्चभिः पत्रैः संयुक्ता शुक्लकोमलैः ॥ ५९९ ॥
1.11.599 · p. 316
अनुष्टुप्
आदित्यपार्णनी ज्ञेया सदादित्यानुवर्त्तिनी ।कनकाभा जलान्तेषु सर्वतः परिसर्पति ॥ ६०० ॥
1.11.600 · p. 316
अनुष्टुप्